مؤامرة ضد السعوديين

عز الله انهم مايستاهلون وطية الناقه


البيرق اللي ماعطوك اياه جعله للزوال
والجايزة مافيه غيرك يستحق ينولها

كسبت جمهورً رقابك فوق بطوال الجبال
وكشفت تزوير النتايج يومهم فرحولها

وضربتهم بالضربة اللي توجع زحور الرجال
في قامةً شعريةً تعبو ولا وصلو لها

فان كانهم يبغون مال حنا لنا بيوتً جزال
ماتهمنا فلوس دنياً كلهم ركضولها

ناصر ولد فارس عريب الجد من عمً وخال
من لابةً يوم اللقا كلن يشوف فعولها

ربعي سبيع اللي لهم اسمً على روس الطوال
فان كان نبغاها فخر نقولها ونطولها

ناصر ليا غنى الشعر كل العرب بتقول قال
ولامن ترك له كلمتن تركع تبيه يقولها

رسّخ قصيده في عقول الناس شيبان وعيال
وقصايده مثل المطر نجدب نبي هملولها

ماهو بحاجة بيرقً شهادته كذب وخيال
والكل يدري وشهي القصة ووش مدلولها

نقى ويحول الحول وينقلب حالً محال
وانشهد انها تكلفة عطيت لغير فحولها
حمد المليحي