۩۝۩ 26/9.. مع الحكواتي ..} السرحان { ۩۝۩

السلام عليكم ورحمة الله وبركاته



مسيتم بالخيييير جمييييييع

وش حالكم كلاً بسمه


اولا : احب اشكر اختي هايدي على الاستضافه


الله يعطيك الف الف عافيه على هذه الفكره الطيبه .



اييييييييييييييييييييه امنيين نبدى


قبل مابدى عطوووني فنجاااااال يطرد العمس

ابي فنجال يصبغ على الصين بالحيييل * ومن حمسته يجدى دم الغزالي


المووواقف كثير وماتنعد وش نقول وش نخلي


بس عندي موقف له تقريبا 9 سنوات

ابحكييييه لكم وان شاء الله بتعذروني لييييه مانسيته


في عام 1419

الله قدرلي وحجيت مع واحد من اعيال عمي ابد ماغير راااسي وراااسه

المهم رحنا وحجزنا مع حملة المرزوقي كانت افضل حملة ذاااك الوقت عندنا بالشرقيه .


اييييييييييه مالكم بالطويله جاء الموعد والله وفقنا وصلنا مكه وخذينا عمره متمتع بها الى الحج


وجاء يوووم عرفه ايييييييه وخلصنا من عرفه ومزدلفه

[align=center]اييييييييييييييييييييييييييييه هنا يجي مربط الفرس [/align]

بعد مابتنا في مزدلفه واصبحنا وجمعنا من الحصى حق الرجم

دحرجنا انا ولد عمي مشي يم منى طبعا الباص ضيعنااااااه

وصلنا منى وكانت زحمة بالمره حييييييييييييييييل

والنااااس كلا يدف الثاني

دخلنا انا ولد عمي المعمعه تقووول خشين بهوووووش استغفر الله

المهم مالكم بالطووويله

اييييييييييييه كان فيه ايرانيين متماسكين ابغووووول جرم الواااااحد شقووووول اعيره واجسام تسبيره .

يمشووون ودف بالمسلمين ومحد يوووقف في طريقهم .

انا ولد عمي يوووم شفنا هالجيش العرمرم ونقمط ونؤخر وصرنا انباريييه نمشي جمبه

يوووم قربنا من محل الجمرااات اييييييييييييييييييييه

كان فيه حرمه مصريه تبي اتقرب عشان ترجم

والله ويجيييك هالجيش الايراني وهو اللي يدفها الا هي متكرفسه طاحت على الارض

اييييييييييييييييييييييييييييييييه وش صار يوووم طاحت


وهي يالربع والربعات ...

تقووووم وهي والعياذ بالله تسب وتشتم

وتلف يديها تبي تضرب الايرانيين ....

ولايجيني ذاااك الكف

(( بمعنى الصفعه اي لطما فهو مصطور مكفووخ على وجهه ))

على وجهي ضيع معالم وجهه اخوووكم سرحان

على الحراااام يالربع اني ضيعت اليمه ماعاد ادري اليمين من الشمال

وحضر علي ابليس بغيت انط برقبتها

ويجي ولد عمي مع وااااحد ملتزم الله يجزيهم خير

حج يامطر تعوذ من ابليس خلها عنك لاتخرب حجتك

وانا اللي انطل الحصى وطلع بعييييييد عن الجمراااات

جلست يالربع تقريبا ساعة زمن لين هدت نفسي

ورميت بعدين الجمرااات وخلصت حجتي


وهذا الموقف يالربع للحين عالق معي ماقدرت انسااااه

[align=center]واخيرا[/align]

ان شاء الله تعجبكم السالفه والموقف الطريف اللي فحر قلب اخوووكم سرحان

اسال الله لي ولكم العفو الغفرااان

والحمد الله رب العالمين




اخوووكم عريف جندي اول ركن متقاعد

ســـــــــرحــــــــــــــان