ناسٍ تنام مدهنـة فـي دهـن عـود

[align=center]
سلام عليكم
مما راق لى واتمنى ان تنال اعجابكم
بس للأسف ماني عارف كاتبها
[poem=font=",6,,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
تعبت اقول لضيقتي سهـود ومهـود=اليا متى هالعـذر بيكـون عـذري
البارحة يـوم اكثـر العالـم رقـود=عادت علي اللي تجي منين مـدري
الضيقة اللي كـل ماراحـت تعـود=مكانهـا مابيـن قلبـي وصــدري
ناسٍ تنام مدهنـة فـي دهـن عـود=وناسٍ تنام مدهنـة بزيـت مقـري
لاواهني اللـي حلالـة مـن الـذود=تسعين وضحى كل ماضاق يسـري
يسـج معهـا كـل ماهبـت النـود=يتبع مسيل السيل في القـاع يجـري
ماهوب مثلي من اقرب الناس مجحود=الله يسامـح مـن طعنـي بظهـري
من راح ماكنه على القـاع موجـود=مايدري انـه اول اسبـاب كسـري
كل ماطرالي قلت مـن قلـت الفـود=ياليت منهـو راح ماعـاد يطـري
لو تستحي من فعلها ايامـي السـود=كان استحت مبطي ولا طال صبري
قدمـت بالموجـود لخاطـر الجـود=لين التفـت ولابقـى شـي حـدري
عطيت من عمري ولا شفت مـردود=ياللأسف للنـاس ضيعـت عمـري
واذا افرحوا واجد على طيحة العـود=هذا دليل انـه فعـل شـي يغـري
بوقف لحالي واتبع الطيـب والـزود=اشره علي ان صغر الوقـت كبـري
ماني على بعض المخاليـق محـدود=أمـوت مانزَلـت للنـاس قــدري [/poem]
اخوكم
عقاب النهار
[/align]