6ـ الطبخات اللي تسوينها معدودة ولا كثير وماتنعد ..؟
ههههه تنعد مو من كثرها
7ـ اول مرة دخلت المطبخ كم كان عمرك لو تذكرين..؟
كان عمري 11 سنه
8 ـ اول طبخه طبختيها ايش هي ..؟
كبسه
9ـ طبخه طبختيها وفشلتي فيها ايش كان شعوركـ وقتها والكل منتظر تخلصين ..؟
كنت مسويه كيكه من الزيرو يعني طحين وبيض وسكر وزيت وكل الحوسه ضبطته ودخلته الفرن وأستنيت فتره ماأنتفخ الكيك قلت يمكن هو كذا تركته لحد ماخلص وطلعته من الفرن وجيت أقطعه مايتقطع هههههه طلعت الكيكه مثل خبز التميس ماتنوكل يابسه مره رحت ورميتها في الزباله قبل ما أحد ينتبه ....شعوري كان عادي قلت في نفسي أكثر ما كثر الله الكيكه الجاهزة ماتحتاج الا لبيض وزيت ومويه والنتيجه مضمونه
10ـ طبخه طبختيها والكل مدحكـ ؟
أيدام دجاج مع الخضار
11ـ موقف طريف صار معاكـ في المطبخ ..!؟
سويت مره كبسه لأهلي ونسيتها على النار ماتذكرتها الا والقدر أحترق وصار أسود
12ـ يعتمد عليكـ في الطبخ او لا ..!؟
يعتمد بس المشكله النتيجه مو دائما تصير حلوة
13ـ قوليلنا وصفه لطبخه حلوه كثير تسوينها ..!؟
أيدام المقادير دجاجه مقطعه قطع متوسطه . 3بصلات كبيره مقطعه .4 فصوص ثوم مقطعه أو مهروسه خضار (بطاطس .قرع .كوسا .)تقدرين تضيفين أي خضار تبغينها 2 مكعب ماجي .بزار .كمون . توابل أيطاليه .فلفل أسود.شويه كركم عشان اللون .جوزة الطيب الطريقه كل ماسبق تضعينه في قدر مع شويه زيت وتحركينه لحد مايختلط كله مع بعض يعني مده 10 دقائق وأنتي تحركينه وبعدين تضعين عليه 2عبوة طماطم مقشره (تكون مطحونه ) وتضيفي شويه مويه وأتركيه لحد مايستوي وبالهناءوالعافيه
14ـ حطيلنا طبخة على ذوقك ؟
صينيه خضار (بطاطس . كوسا .جزر .)تقطعين كل وحده على شكل مربعات صغيره وتقلى كل واحده على أنفراد .في حله نكون مجهزين بصل مع دجاج مقطع قطع صغيره مع شويه زيت وملح وجوزة الطيب وتكون جاهزة نضع عليها ماتم قليه من خضار ونحركها بعدين نضعها في صينيه ونضع فوقها (3ملاعق مايونيز .قشطه .جبن سائله كرفت )مخلوطين مع بعض ونصبها ع الصينيه وندخلها الفرن لحد ماتتحمر من فوق وبالهناء والعافيه ....
15ـ نصيحه توجهينها لعضوات نافذتنا الحلوة ؟
أنهم يتعلموا الطبخ من بدري لأنها راح تنفع نفسها قبل ماتنفع غيرها
العضو الأكثر نشاطاً هذا اليوم 
العرض الشجري
