الجلد المنفوخ .. وفقراء الارض

هلا والله من طول الغيبات جاب الغنايم

وين الناس مختفي لك كم يوم

انت من اول ساعهتغيب عن المنتدا نفقدك هههههههههه


نرجع للموضوع

الناس الي انت تشوف هذولى والله اعلم انهم شغالين بالراتب

لان تجيهم سياره وتشيلهم المغرب

وذا جاء الصباح رجعتهم على المحطات

وبي اقول لك شي والله ثم والله لو انك انت والا انا ندري بواحد ماهو لاقي عيشته والله لاتروح له وتعطيه الي تملك كله صح

انا كلمت قبل كم يوم الجمعيات الي بحائل

وطلبت منهم يدلوني على عائله مستحقه ويتام اقسم بالله لحد الان وانا في الانتضار

انا وكم واحد من العيل نبي نتكفل في ايتام ما حصلنا للحين والله العظيم لان اهل الخير واجد

طبعا انا قلت لشيخ ابي اتكفل في ايتام وقال مافيه مشكله ارسل لنا مبلغ وقدره

قلتله ياشيخ ان اسئلك بالله انك تدلني عليهم على شان ارتاح من الي انا دفعت

تدري وش قال قال اجل خلك على الانتظار مادامك حلفتن ويجيك الخبر

وللحين ماحصلو اناس تستحق منجد

اكثر الناس الي انت تشوف شغالين لحساب واحد ويجمع الحصيله منهم اخر كل يوم

اذا قصدك الي عند المحطات الي اول ماتطلع من القصيم منجه لرياض انا مريتهم والله وطلبت ولي امر لهم وكلهم هجو الي هناك

ولقيت واحد عندهم شيخ ونفس الكلام الي قلته قاله لهم وراحو من عندنا يبون يصرفون السالفه

انا يوم شفتهم والله وقف شعر راسي من كثر الزحمه

بعدين اذا عطيت واحد كلهم اجتمعو عليك كل واحد يعلم الثاني

كل الشكر لك واسف على الاطاله


نسيت اقول لك تراني اطالب احس احساس في الحق على تاخرك علينا