سافر مع ع ــــــــــــــــضو

بما ان الرحله برعاية بعد حيي عيل اطالبكم بتذكره للسفره الجايه هالصيفيه واكيد بتكون على حساب الساري
س1 : آخر سفرة كانت لك وين ؟
البحرين والخبر

س2: أقصر سفرة وأطول سفرة بحياتك ؟
اقصر سفره كانت للبحرين ما تزيد عن 3 ايام واطول سفره كانت لأمريكا شهر ونص

س2: شنو أجمل مطار شفته ؟
مطار نيويورك ومطار فرنسا

س3: شنوالدولة اللي تحب تزورها ؟
رحت دول كثيره بس الدوله اللي احس اني استمتع فيها واقضي فيها وقت جميل هي مصر

س4: تذكار محتفظ فيه من أي دولة وشنو اهوا ؟
تذكار من موسكو كان عباره عن صحن كريستال

س5: نبي صورة لدولة تتمنى تزورها ؟
اتمنى ازور اليابان بس معيشتها غاليه ففكرت بجارتها الصين وان شاء الله ناويه هالصيفيه واللي بيخاويني حياه الله والتذكره عليه
<< وش هالعزيمه يالبخيله
[BIMG]http://www.5reb.com/5ra2eb/bet-men-thahab/wh_66541100.jpg[/BIMG]

س6: أكلة تحب اذا زرت أي دولة تتمنى تذوقها ؟
(بيف استراغانوف ) أكلتها في بلغاريا وصراحه لذيذه وهي عباره عن لحم بالصلصه ورز ابيض

س7: أي دولة تعجبك من قارة آسيا – أفريقيا- أوروبا- أمريكا الجنوبية- أمريكا الشمالية ؟
كل دوله زرتها لها طابعها الخاص ويعجبني فيها شي

س8: أجمل مكان شفته بسفرك ؟
القصور الروسيه وحدائقها والتي كانت لقياصرة الروس واصبحت الان متاحف في موسكو وباقي مدن الاتحاد السوفيتي سابقا

س9: كم مرة سافرت بحياتك ؟
كثير ما حسبتهم لان بعض الدول اكرر الزياره لها اكثر من مره مثل مصر ولندن ودول الخليج

س10: موقف محرج صارلك في سفرك ؟
كنت واقفه مع اهلي في محطة قطار في موسكو عشان بننتقل بالقطار لمدينة ليننجراد
وانا امشي ما شفت نفسي الا منبطحه على بطني بين العالم والسبب زلقه قويه واهلى هات ياضحك ولا فيهم واحد يتبرع ويشيلني

س11: شنو يعني لك السفر وهل تحب تسافر ؟
السفر متعه وتغيير روتين خاصه اذا كان بعد فترة عمل متواصل او دراسه وله فوائد بكسب معلومات وثقافه من كل بلد تزورها

س12: شيء لا تستغني عنه في سفرك؟
الكاميرا والعيش (الرز) لاني من النوع اللي يمل من اكل المطاعم

س13: اختار عضوين ياسافرو معك ولوين بتروحون ؟
السفر يحتاج صديق ظريف وخفيف دم وصراحه اختار نور الدنيا وهايدي واروح مصر

س14: نصائح تقدمها للمسافرين ؟
كون سفير لبلدك واحرص على ان يكون عنوان سفارة بلدك ورقم التلفون معاك على طول وحافظ على جوازك

س15: كلمة أخيرة لقسم االسيآحهـ والـسـفر ؟
قسم رائع ونشيط بمواضيعه الحلوه ومعلوماته القيمه عن الدول وهذا بجهود مشرفينه يعطيهم العافيه

وهذا رابط لصور سفرتي لماليزيا سبق وان نزلته بقسم كاميرا الاعضاء
http://www.b3b7.com/vb/showthread.php?t=33512

شكرا النوفي على الاستضافه واتمنى اكون خفيفه عليكم