((ديوان الشاعر مهدي معيوف العنزي))

[poem=font="Traditional Arabic,6,,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/6.gif" border="double,5," type=2 line=1 align=center use=ex num="0,black""]
ياسنين البعد واسرار الليالي في حضوره=يامواويل التعاسه والهموم بكف جني
اشهد اني ضاق فيني الوقت واتعبني بجوره=واشهدني اااه والله واشهدني واشهدني
كل ما ناظرت طيف الخل وابحرت ابحوره=تغرق همومي واحس الكون من حولي يغني
وكل مادندنت باحساس الاماكن يا ابونوره=ضاق في قلبي مكانه كن اوصاله جفني
ماعرفت اشلون لكن ماله بفعله مشوره=شوق عاشق يالليالي موبيدي غصب عني
تاه في بحر الخيال وباع للاحساس صوره=كنها زول الحبيب اللي خذاه الوقت مني
كنها او كنها اوكنها اااه(ن) يا نوره=انعمت دونه حروف وضاق بالصبر التمني
من خدود(ن) في خجلها يفقد التفاح دوره=والشفايف توت شامي لاغشاه الثلج حني
والعيون بسلهمتها طور يشكي جور طوره=والرموش اليا تثنت لوتصيب الصخر وني
والشعر لامر ليله ماتت النجمه غيوره=ولاتحدر عند خصره شفت خصره به يظني
اااه يابسمة شفاته تقتل الصمت وغروره=وضحكه الدافي وهمسه ينعش ارفات التجني
شوف يافواز حالي ضاق في عشقي شروره=وقل لابن مجلاد يسال ليه هالعشقه تجني
وان طلبتم شور الاطرق يطرب العشاق شوره=اوخلف وذعار يمكن يغلب الفعل التمني
يمكن ويمكن ولكن ليه هالكلمه جسوره=من زرع شوقه بقلبي وكل دقه تمتحني
ادري....لاوالله مادري ليه يكتبني حضوره=وليه يادنيا التعاسه هالهموم بكف جني[/poem]
http://www.b3b7.com/vb/showthread.php?t=29539