يابنات تعالوا

يسويها البخت

أهلاً وسهلاً


امممممم أحب أهتم بنفسي كثير
بس الكسل بالدوام بالذااااات يعمل عمايله السوده

الموهيــــم

بما ان الموضوع شاااااامل
بتكلم أول شي

عن الفساتين

أنا أحب الفساتيـــــــــن الناعمه مره وتكون فيه حركه مميزه والضيقه من الخصر
وواسعه من تحت ماأحب الفستان اللي ضيق ضيق مره من فوق لـ تحت شكله مو شي بعكس اللي مختلف في الوسع

وأفضل الجاهز ماأحب التفصال أموت لين يفهمون علي
فصرت أشتري الجاهز وأسوي عليه تعديــــــلات ...
الألوان أعشق الأبيض وأتمنى أحصّل فستان أبيض وبالمديل اللي أتمناه
لاني دائمــاً ألقى مديلات تعجبني بس بألوان غير الأبيض
وأكثر محل تروق لي فساتينه محل شيهانه بالحفر
ناعمه ومميزه ..

أما بالنسبـــه

للعطورات

لـ حد الآن ماثبت على عطر
كل شهـر عطر ودائماً أغبط اللي ثابتين على عطر واحد
كيف يصبرون أنـــــا أمِل لازم أغير وياااااااااااااااكثر العطور اللي جربته
بس أكثر واحد أعجبني عطر ناديني سـعره 80 أول طلعته الحين ماأدري ارتفع نزل الله أعلم ..
وفي عطر الشهر اللي فات شريه وخلص عطر لينك ريحته واااااااو بالذات لّمــــا تتبخرين
وبعده تتعطرين منـــــــه وهـ رايق مره سعره 125 ~
والحين العطر اللي عندي توي شريته عطر سينمــــا سعره 200
بس أنا أخذته بـ 190 > يقال خصم خاص أمحق بس 10
ريحته حلوه ونفاثه ومركزه ويثبت حيل بس ماأعجبن مره ( شميته بالمحل أعجبني وأخذته وأول يوم تعطرت به تخبلت عليه بس بعدين أحسه تغير اممم او امكن أنا اللي تغيرت وصارت نفسيتي دمار بسبة الإختبارات وماصرت أميز الحلو من اللي مو حلو > امممم أخوي يقول ريحته قويه توجع الراس مايوجعك راسك

واممممممممم وفي عطور كثيره جربته بس مو مذكرتهن
اممم لحظه في عطر أهدته لي بنت عمتي يوم كنت بـ ثاني ثانوي
اسمه عطر شامان سعره 50 ريحته حلوه حيــــــل ودائماً أسأل المحلات عنه
يقولون مانعرفه أقولهم هو قديم يقول أكيد انقطع على العموم حلوه ريحته وتثبت
بس نفسي الحين أشتريه بشوف إعجابي فيه قل بـ مقابل العطور اللي جربه ( نفسي والله )
اممم هو ريحته حلوه بس كنت هذاك
الوقت مالي مزاج على العطورات وأي واحد يمشي الحال
بس الحين امكن تغيرت نظرتي فيه >>
أما الأمساك قليل أشتريهن لإني أركز على البخور ( أحب أشتري البخور من الحريم ~> روائحهن دائماً تجي مميزه وتثبت )
بعكس اللي أشتريهن من المحلات ماتثبت الريحه إلا بمثبت بخور أما بخور الحريم خلقه يثبت ...

...
الـ شعـــر
اممم سنوياً أصبغ صبغه وكل وحده لونه يفرق عن الثانيه
جربت اللون العنابي بسنه أولى متوسط أولى طيحتنـــا
بالصبغات وتكبرنـــا على الحنـــاء > كلمة أمي
طلع خطيــــــــــر اللون وبالذات مع بشرتي الحنطيـــــه طلع انما ايــــه
هههههـ بقول لكم سالفه نسويه حنـــا ( أنا وخواتي ) لّمــا نصبغ الصبغه ونخلص
وكنا هذاك الوقت نصبغ بالبيت مانعترف بالمشاغل كنا مثلا يوم السبت نصبغ ونغسل
ومن بكرى نحط حنـــــــــاء وبعد مايجف ندهن بزيت زيتون وبعده نغسله
سبحان الله يزهي لون الصبغه وتطلع مميزه لدرجه
إن قرايبنا وخوياتنا لّما يسألننا شو الصبغه ودرجته نقول ويصبغن
بس مايطلع مثل لوننـــــــا لانه مايحطن حناء يقولون هذا خباااااااال ( صبغه + حناء = احتراق شعر )
بس حنـ ـ ـ ـا والحمد لله مايضرنا الله أعلم عنهن هن شو يحوسن بشعورهن علشان يحترق ..
وعلى فكره كنا هذاك الوقت مانعترف إلا باللون البني والأسود والعنابي
بس الحين حتى الأشقر أنـــا جربته طلع حلو بس العنابي
دائماً أتميز وأزهى به أكثر من الألوان الثانيه
اممممم أنا الحين شعري لونه أسود > نوع من التغير
واممممم أستخدم له
( بيضه + شوي زيت زيتون + وأعصر نص ليمونه + حنــاء ) وأعجنه بمـــاء دافي وأحطه
بالشمس نص ساعه وبعده أحطه على شعري لمدة ساعتين وبعدين أغسله ..
وإذا نشف شعري أدهنه بزيت زيتون وأغرقه مره وخليه كم ساعه وبعده أغسل
ومن بكرى بعد أدهن شعري وأغسله وخلاص بعده أدهن شعري على فترات
مرتين بالإسبوع وبعده بفترة أسبوعين أو ثلاثه أحط حنـــاء و و و أعيد نفس الحكايه
تخلي الشعر روعه لا والله إلا أكثر من الروعـــــــه
امممممم بس هذا اللي يحظرني الحين وأسويه حالياً

...

أما بالنسبه للوجه في كم أشياء أسويهن
ترقبوهن في [ مجلة بعد حيي ]

أما اليدين أستخدم لهن هالخلطه نزلت طريقته هون بالمنتدى وهذا الرابط

http://www.b3b7.com/vb/showthread.php?t=41861



...

~> تعبت حيـــــــــــل
بس بإذن الله لي عوده
إلى ذلك الحين أتمنى لكم حياة سعيده ~


...