.ذاكرة. طـــفــل..وســـؤال.

مصافحه..أولى..لكم / قلوبكم / نقائكم
مهداة ..لهم / أبي / أبائكم /
عسى ان نعلم ابنائنا /بعضاً//مما علمونا /

ساري سرى وسط الضمير وقلت له شد الرحال
....يا سارين اتعب ظهور الخيل واعتاد الرحيل ‍‍‍‍‍‍!!


تعبت اسامر وحدتي والناس حولي بانشغال
......هذا على هذا وذاك وذيك بس قولـن وقـيـل !!


ما منهم الي يفهم اللوعه تفاصيل الـمـقـال
......والقول يا قاله ضميري قال لي الغافل ثقيل !!


يقول لي الغافل ثقيل وشعركم هذا هبال
..وانا من اشعارك اشوفك صرت لي مثل الهبـيل !!


أدري ثقيل ومنت قدّه وانت مشغلك السؤال
...عن كل ما لذ ؟وطاب؟ وطـبت يـا الـخد الاسيل !!


عطني دليل ان نظرتك ابعد من الشوفه وصال
...مع الاسف يا نظرة الرجال بعده نـصـف ميــل !!


حان الرحيل ولملمي جروحن على غيري ثقال
...وأعز عفشي( دفترين)وكم(كتابن)به حصيـل !!


العمر الاجدب ذكريات الامس يا اغلى دلال
..انتي رفيق الدرب الاوحش يا رجع عنه الهزيل !!
تعبت فعلا...............

تعبت فعلا عالمي موحش واحلامي جبال
...أغليك يا سر الرجال....أتوبعك..جيلٍ..لجيل..!!


لملم قصاصات القصيد الي يبي يجيله مجال
....انه رصيدي في حياتي يـا عـمـيلـن مـا يـميل ‍‍!!


ارمي زواد العفش دولابين وثيابن سمــال
.....خلي السمل يلقاه من هو له على السكه يشيل !!
ناضت بروق.....................

ناضت بروق أخيلها أحدد الوجهه شمــال
..يا ضاقت الدنيا (شمال)الشمل الاطيب والعميـل !!


الوقت الابـرك دايمن احـدد الـساعه زوال
..ابي رحيلي للعيان....محـارب ولاني ذلـــيــــل !!


لقصرة كبير وجار مع نجرن ورسلان الدلال
..(بارد شنينه) واللبن والــزبد في جـوف الصميل !!
يــــاكــــم تفرست الوجيه !!!!!!!!!!!!!!!!!!!!

يا كم تفرست الوجيه مضيعن بعض الرجال
..خبري بهم قالوا لنا ما عــاد نبغى به مــقــيــل !!


الله..يا ذيك الرجال..الي يطول بها المقال
....الي بذروا بالروح آيــات الشـيّم عند الاصـيـل !!
الله كالحلم القديييييييييييم...............

الله كالحلم القديم و(ذاكرة طفل00 وسؤال)
..ما سكه من يدّه ابوه وقال شـوف الـمستـحيل !!


الي يتكرر في زمانك قال ياوليدي تعال
...هذا فلان..وذا فلان...وذاك حماي الـــدخــيــل !!


وهذا مكمل درب ابوه..وذاك ابناخي لخال !!
..وباكر يصير الشرح جرح..وشرحك لهذا طـويل !!


انا أعتبر نفسي لحالي شفت تاليهم مثـال !!
....اقـســم بربي حنا بالنســبه لــهم خلقن جمــيل !!