مقال عن برامج الحماية وطرق الاختراق والهكرز

السلام عليكم ..
المقال يشرح لكم كيفية عمل برامج الحماية (الانتي فايروس) للاجهزة ويشرح لك طريقة الهكرز (المخترقين) في تخطى برامج الانتي فايروس ..
Ghost Hacker (c)Copyright 2009 - 2010

طبعا من المعروف ان برامج الانتي فايروس تقوم بكشف ملفات التجسس والفايروسات با انواعها (تروجان - طروادة الخ) وتقوم بحذفها ..
طيب اي هكرز بالدنيا اغلبهم يقوم با اختراق الاجهزة عن طريق ملف تجسس يدعونه بـ(باتش) او (خادم) ..
الباتش هذا يفتح بورت بالجهاز المراد اخترقه وعن طريق هذا البورت اللي فتحه ملف التجسس تبعك تدخل على الجهاز وتكون لك قدرة التحكم على الجهاز يعني كانك جالس عليه
خلونا نشوف الهكر ايش يقدر يسوي !
(تشوف ملفات التجسس تقدر تنسخها لجهازك او تفتحها وتشوف محتوائها) .
(تقدر تاخذ كل الارقام السرية بالجهاز ارقام الايميلات او الحسابات البنكيه) .
(تقدر تشوف شاشة الضحية تشوف ايش يسوي قدامك من شاشتك) .
(تقدر تفتحه كامه دون لايدري اذا كان عنده كام) .
(تقدر بعد ماتخلص من جهازه وتاخذ اللي تبي تنزل له فايروس بجهازه وتشغله) .
(تقدر تتحكم بجهازه والماوس تبعه وتفتح اللي تبي وانت من جهازك) .
(تقدر تحذف برامج جهازه) .
(ببساطة تقدر تخليه يكره شئ اسمه نت) .
وتقدر وتقدر وتقدر .. اللي قلت هذا اهم الحاجات اللي تقدر تسويها !
طبعا ملف التجسس حقك لازم عشان تخترق اي جهاز بالدنيا لازم يدخل ملف التجسس حقك بجهاز اللي تبي تخترقه ويفتحه لازم عشان ملف التجسس يفتح البورت اللي تكلمنا عنه وتقدر تتحكم بجهازه ..
وتقدر توصل بأكثر من طريقة

1-تلغيم ملف التجسس بـرابط :
(من خلال ثغرة متصفح تقدر تعمل كود وتضعه بصفحة وتضعها على موقع واي واحد يدخل عليها ينزل ملف التجسس حقك بجهازه ويشتغل دون لايدري عن شئ اللي دخل على الموقع) .

2-دمج ملف التجسس بـملف :
(دمجه مع اي ملف ملف صورة ملف اغنية ملف برنامج بحيث اذا تم تشغيل الملف المدموج به ملف التجسس يشتغل بشكل طبيعي ويشتغل كمان ملف التجسس المدموج دون لايدري اللي فتح الملف) .
ملاحظه : على فكرة بعض الهكر يلغمون برامج وينزلونها بـ منتدى واي واحد يحمل البرنامج ويشغله يكون ضحية للهكر دون لايدري .

هذي الطرق المهمة حاليا ..
بس اذا اللحين سبق وقلنا ان برامج الحماية تقوم بكشف ملفات التجسس والفايروسات
والباتش حقك اللي تبي ترسله للجهاز اللي تبي تخترقه يعتبر ملف تجسس
واذا كان صاحب الجهاز اللي تبي تخترقه مركب برنامج انتي فايروس ؟؟
اكيد راح يكشفه البرنامج قبل لايفتحه صاحب الجهاز ويحذفه وتنكشف بأنك تحاول اختراق جهازه ..
لكن الهكرز بحثو عن حل لمشكلة برامج الحماية اللي تكشف ملفات التجسس حقتهم
اكتشفو طريقة اسمها (التشفير)
عملية التعديل على اكواد ملف التجسس بحيث يشتغل ملف التجسس ويفتح البورت بشكل عادي
ويكون غير مكشوف من برامج الانتي فايروس
(يعني لو تجي تفحصه ببرنامج الحماية اللي عندك راح يقولك الملف سليم مع انه ملف تجسس)
لان برامج الانتي فايروس تعتمد على اكواد (قيم HEX) ضارة على الجهاز وملفات التجسس والفايروس يكون فيها بعض الاكواد الضارة فطبيعة برنامج الحماية لما تفحص اي ملف يفحص اكواده اذا لقى فيها اكواد ضارة قال لك ان الملف فايروس وحذفه واذا مالقى فيه اكواد ضارة قال لك ان الملف سليم
فالهكرز صارو يعدلون على القيم الضارة هذي عشان مايكشفها برنامج الحماية ويقولك سليمه وبنفس الوقت يشتغل ملف التجسس حقهم ويفتح بورت بجهازك ..
فكرو اصحاب برامج الحماية وخبراء الامن والسيكروتي ؟؟
طلعو بعملية التحديث لبرامج الانتي فايروس .. يعني لما يتكشفون اكواد الـ HEْX جديدة غير مكشوفه يستعلمونها الهكر بتشفير ملفات التجسس .. يدرجونها ضمن اكواد الـ HEX الضارة ولما تحدث برنامج الانتي فايروس من عندك يعرف الاكواد الجديدة وملف التجسس حقك اللي كان ماهو مكشوف قبل يومين لما تم تحديث برنامج الانتي فايروس صار مكشوف ولازم تعدل على اكواد الـ HEX مره ثانية عشان مايصير مكشوف من قبل برنامج الانتي فايروس
فصارو الهكر شغلتهم يشفرون اكواد الـ HEX تبع ملفات التجسس حقتهم وخبراء الامن يكشفون اكوادهم وينزلون تحديثات كل ما اكتشفو شئ للانتي فايروس ..
بس على بال ماينزلون التحديث بيجلس على يومين
يعني افترض ان الهكر شفر باتش وارسله لك وانت فتحته مثلن يكون عندك الملف مافيه شئ وماراح يقولك الانتي فايروس شئ
بس لما ينزل تحديث جديد للانتي فايروس وتحدث وتعمل فحص فايروسات على جهازك يكشف لك ملف التجسس ويحذفه
بس على بال ماتحدث يمدي الهكر اخذ من جهازك اللي يبي وسرق ايميلاتك وملفاتك ويمكن حط فايروس بجهازك وشغله
واعدم عليك الجهاز كله ..
طبعا ان شاء الله بنزل لكم طرق كشف (الروابط الملغمه)+(الملفات المدموجه)
قبل ماتفتحها حتى اذا كانت مشفرة عن قريب
طبعا حاولت اني اشرح لكم المقدمة هذي باللهجة العامية وبطريقة خفيفة بسيطه عشان الموضوع يسهل عليكم
وبكون موجهكم الى طرق حماية جهازك الشخصي (Security PC).. وبعطيكم مقدمة عن طرق اختراق الاجهزة (Hacking PC) عشان نرضي الطرفين ..

الموضوع اهداء الى مشرف قسم الكمبيوتر طروادا

./ محبكم مخاوي الكيبورد - Ghost Hacker