هذا موقف صارلي أدبني أدب مانساه
كان كل شي ممنوع عند الوالد (( الله يرحمه ويغفر له ))
الدش ممنوع السهر ممنوع تشوفي مسلسل مصري فيه كلام حب عيب اللي ماتصحى لصلاة الفجر من وحدها محرومه من المدرسه .... يامحلى الاخبار والدعايه هي انظف شي
كنا نسهر يوم الربوع عند خالاتي الصغار ...
السهر عندنا مايتعدى الساعه 11 او 11 ونص ...
في السهره قالو خالاتي ان القناة الثانيه بتجيب فلم امريكي مترجم ....
رجعنا البيت انا واخواتي ...
قلنا خلاص بنسوي اننا نايمين واول مانسمع شخير الوالد (( الله يرحمه)) بنقوم ونشغل التلفزيون ونشوف الفلم اتوقع كان يجي الساعه 12 ونص
كلنا أتجمعنا على التلفزيون في الظلام نتفرج على الفلم ....
لما جات الساعه وحده ونص جوعنا لاننا نتعشى بدري ....
قلت مافيها الا زبادي وخبز يسكت جوعنا وبشويش نمشي للمطبخ وناخذ الاكل ونرجع على الغرفه ونسكر الباب بشويش حتى ماتقفل للاخير ...
قولنا بسم الله ......
الا باب الغرفه اتفتح علينا .........
جاك الموت ياتارك الصلاه الا الوالد فتح الباب ... قلوبنابركبنا من الخووف ....
ماشاء الله سهرانات مافيكم نوم تعالو معايا اذا مافيكم نوم ...<كلام الوالد...
طبعا هو مايخاصم ولا يضرب لكنه يعاقب ...
ماكلنا ولاشي ونمشي وراه ومن الخوف نزل على وحده من اخواتي ضحك بس بدون صوت شغاله على الهزاز ...
دخلنا المجلس وجلس كل وحده منا بركن كنا ثلاثه ...
ويجيب فراشه وينام بالنص قال اذا مافيكم سهر استنو لصلاة الفجر اول ماتسمعو صوت المايكرفون حق المسجد اتفتح تصحوني لو قال الله اكبر وماصحيت ياويلكم محرومات من المدرسه....وياويلكم اللي تغمض عينها أسهرو على شي يفيدكم
تخيلو ساعتها الجو بارد وظلام النوم جايك جايك ...
وانا كل خوفي انه ينتبه للي ميته ضحك ويعاقبنا اكثر....
اصغر وحده فينا كانت تصرف نفسها تستأذن للحمام (( الله يكرمكم )) المره الاولى قلها لا المره الثانيه سمح لها ..
بالاخير حزن علينا بعد ساعه ...وقال روحو نامو ولو اذن ماصحيتو للصلاه ياويلكم مني
واحنا جري على الغرفه ونوووومه ولا حركه ...
اول مره احب فراشي ...واحب النوم بدري
وتوووووووووووووبه بعدها كرهت القناة الثانيه والافلام الامريكه ..والسهر ...
العضو الأكثر نشاطاً هذا اليوم 
العرض الشجري
