بسم الله الرحمن الرحيم
السلام عليكم ورحمة الله وبركاته
ومسائكم الله بالخير
نشكر أختنا الغالية هايدى لأستضافتها لنا وعلى هذا الموضوع المميزالذي نجد فيه من المواقف التي مرت على بعض أعضاء هذا المنتدى أما الموقف الذي حصل معي موقف صعب وبنفس الوقت فهو طريف
كان الموقف هذا عام 1419 هـ كان لنا زميل من أهل القريات وكنا على موعد معه أننا بنزورة
في القريات المهم تفقنا أنا وزميلي من أهل حائل متى تبينا نمشي لخوينا قال مثل ماتبي المهم تفقنا نمشي على الساعة 3 عصراً ومشينا وتكلنا على الله وحنا مع الطريق تفقنا مشان ماكل يحلف على الثاني من بنزين لسيارة وكنا بنستاجر في القريات اذ وصلنا سوينا قطه بينا خلها معك طبعاً انا حاطه امير الرحله وكان الجو شديد البرودة بسم الله وصلنا تيماء المحطة الاولى مع المغرب عبينا بنزين وكانت كسلان شوي قلت وشرايك يابو سند تسوق قال خلاص ساق مشينا ونسولف ونعلق على بعض كانت الدرجه 2 تحت الصفر تقريباً وكان الجو غائم علينا ونزلنا مع طريق القليبه حنا أول مره نضرب الطريق تقريبا بعد مافرقنا 100 من طريق قال تراه جاني النوم قلت ابد وقف عند المحطة وأبسوق وخذت كافي قال انا ابنام اخذ المشلح ونام الامير وراى مشيت يوم قربنا حول هجرة ميقوع قامت تمطر علينا خفيف انا فيني نوم بس ماحب اقوله وصلت ميقوع وقفت عن المحطه عبينا بنزين صحى وقال خذ الفلوس وانا بكمل نومي كلمت العامل الهندي فيه مطعم فيه قهوة مشان تشيل عني بعض النوم قال ايه فيه رحت للمطعم ابوسند طمر للمرتبه الي قدام والله يكرمكم لبس نعاله ونزل ومحفظته وجواله مقفل كان بدرج السيارة مافيه شبكة كانت مافيه بالمنطقه الشمالية وقتها قليل تحصل على شبكة وسئل عني العامل قال راح للبقالة ابوسند جويعان كان راح للبقالة كان ربما 10 ريال بجيبه فلوس كلها بالمحفظه وحاسبت عامل المحطه وركبت ناظر في للبواب الخلفية الايمين والايسار كانت مقفله مشان لو يتحرك والا شين ينفتح فيه الباب وناظرت بالمراية الوسطيه شوف المشلح مفروش قلت خلها يكمل نومه الكلام هالحين الساعه 9.15 ليلاً ومشيت على أن ابوسند معي امشي بسرعة مابين 140 الى 160 وصلت منطقة القريات تقريبا الساعه 12.30 ليلاً طلعت خارج القريات مشان ً تقريباً 10 كيلو وكانت الارض ممطورة وقفت عن المحطة كلمت العامل يعبي بنزين انا نزلت الله يكرمكم لدورة المياه أغسل مشان نلبس ثيابنا ونتصل من اقرب كبينه على صاحبنا رجعت لسيارة مشان اصحي ابوسند مشان يغسل ويلبس جيت فتحت الباب الخلفي ماحصلته توقعت انه نازل سالني العامل يقول انت تنتظر احد قلت ايه انتظر ابوسند يجي هو نزل يبي يجي هالحين قال انا واقف عند سيارة مافيه نفر ينزل من سياره قلت انت تمزح والا صادق قال والله مافيه نفر ينزل من سيارة كانت المحطة كبيرة دورت عليه ولم اجده انا ماني مصدق العامل رجعت للقريات وتصلت على صاحبنا سلمت عليه وسالته عن ابوسند قال ماجاني وماتصل علي وسالني قال انت وينك قلت انا من حائل اكلم وبس خابر خويي سبقني يمك وحبيت اشوف هو وصل والا لا قال خوييك ماوصل وانت تكلمنا من القريات الرقم طالع عندي بالكاشف يوم شفته كشفني قلت له السالفه الله تصلت على زملاء لنا بحائل وصلتم قلت مشينا اثنين وصل واحد قالت ربما انه عندكم شكل الي معي جن ماهو خويي ابوسند رجعت للمحطة ماني مصدق العامل دورت تقريباً نصف ساعه ورجعت واتصلت على خويي مره ثانيه قال جاني بيجر غريب رقمه قلت عطني الرقم واتصلت عليه قلت انتم داقين علينا قال ايه معك مخفر شرطة ميقوع لكم خويي اسمه ابوسند قلت وصلت انا خوييه قال منين تكلمنا قلت من القريات قال كم تتوقع كيلو قطعت قلت تقريبا 200 قال انت قطع 320 كيلو وخوييك ماهو معك قال انت منين تمشي في الجو قلت ليش قال حنا مبلغين نقطتين تفتيش مامسكوك قلت مار من عندهم ماقلو لي شي عاد المهم قلت انا ابجي هالحين قال حنا نوصله مع أي سيارة رايحه قلت له مافيه احد يمشي بطريق انا ابرجع له قال من عذرك مافيه احد بطريق من سرعتك يوم طلعت من الكبينة هذا صحابنا واقف عندي ومعه ولد عمه قال حنا بنروح معك ماتروح لوحدك خايفين علي من النوم والتعب ومشينا له يوم وصلت نقطة مثلت ابو عجرم وقفتني النقطه قال انت مبلغ عليك ولابد اننا نمسك قلت هذي محفظتي وفيه بطاقاتي وانزل عند اثنين نصف ساعه وارجعلك اقول للعسكري قال انت بتخليهم مثل ماخليت الاول يقوم يضحك ههههههههههههه شوي قال خوييك هذا هو موجود عندنا قرب عن ميقوع 40 كيلو جلسنا شوي عن النقطه وكانو جالسين بيت الشعر وشابين النار وتقهوينا عندهم ومشينا وصلنا القريات تقريباً الساعه 8 الصباح وجلسنا كم يوم ورجعنا قال هالحين لو يجيني نوم نام عندك قدام ماعاد ارجعه وراى .
وهذي هي قصتي كامله بسفرتي لصاحبنا ههههههههههه .
ودمتم بالف خير
|
العضو الأكثر نشاطاً هذا اليوم 
العرض الشجري
