دعوه .. اكتب بكل مايملكه قلمك عن فقيدنا الامير طلال الرشيد

سهم المنيه ما يفيد الحذر فيه = واللِّي كتب باللّوح حتماً مجيّه
اللِّي كتب للعبد ماهو بيخطيه = سهوم المناياعن نظرنا خقيّه
الموت حق وكل مخلوق ياتيه = سنة ولي الكون عنده سويّه
الشيخ أبو نواف ودّع غواليه = شيخٍ ترجل وأدركته المنيّه
منيته لأرض الجزاير توديه = سبحان من يخفي أسباب المنيّه
أحزن قلوب ودمع الأعيان تبكيه = بثالث شهر شوال قابل وليّه
مرحوم يا شيخٍ كثيره حسانيه = رجلٍ لفعل الخير نفسه زكيّه
حبه لفعل الطيب قاله مباريه = كريم بالإنفاق كفه صخيّه
محبوب بين الناس وأيضا عوانيه = سجيته يا ويها من سجيّه
كم مرةٍ فعله عن الناس يخفيه = وكم واحدٍ سره ولاله دريّه
يارب عوّض فيه من كان يرجيه = وصبّر على عظم المصيبه ذويّه
يا عل من فاجاه تمحا بواقيه = ولا قرب قريبٍ له يصير الضحيّه
عبر الصحافه والأذاعات نرثيه = نرثيه ونعزّي عموم السميّه


للشاعر : ( المستغيـــث ) ( الرياض ) رثــــاء بالفقــــــيد

الأمير / طلال العبدالعزيز الرشيد رحمه الله وأسكنه جنات النعيم أنه سميع مجيب