يابنت انا ماني كذا

[frame="13 75"]
يابنت أنا ماني كذا و ظنونك تكذّب عليك = كلّي عيوب و ما قوت تخجلني ظنونك واتوب

أكذب عليك و دوم أخونك و ألبس الأبيض و أجيك=وأعشق معك ألفين وجه و يمتلي صدري قلوب

أحلى الكلام أقول لك لو قلته البارح لذيك = ياقف على شفاهي معك مراهقٍ صبٍّ لعوب

أكذب و لا أدري ليه أكذب أعشقك ما أرتجيك= أخاف من صدق الحقيقة في الهروب من الهروب

و الله أحبك و أعشقك و أعرف زمان لي أبيك = لكنها هذي الحياة اتعلمت منا الذنوب

العين عجزت تعتقك القلب عيا يشتريك = في السجن خيّالٍ وفي في الصدر رجالٍ كذوب

هذي الحقيقة ما يجي في الكون أطهر من يديك = و أنا الذي أنقض وضوء الغيم و الماء و الهبوب

أنقل عيوبي فوق متني و انتي لعيبك شريك = و باكر تبتسم لي وجيهٍ لك يعبّسها الشحوب

يا طاهرة حنا كذا و المظهر يكذّب عليك = يمكن يجي يومٍ يجي نخجل من ظنونك .. نتوب
[/frame]