((ديوان الشاعرمتعب بن طوالة))

[frame="4 90"][frame="4 90"][frame="4 90"][frame="15 90"][poem=font=",6,black,normal,italic" bkcolor="transparent" bkimage="http://www.b3b7.com/vb/mwaextraedit2/backgrounds/92.gif" border="solid,6,black" type=2 line=0 align=center use=ex num="0,black""]

قم يانديبي فوق بنزن منمر = مراوحه عند اشتغاله يديره

خصايص التبريد لجن وعمر = صياح خفراتٍ على شيخ ديره

لو طال خطه راعيه ما تذمر = الياقدح نوره وكمل مسيره

يشدي لسودا يوم دلة تغمر = لحاقة معها رهات بمطيره

انصى الامير اللي قديمٍ تومر= ما ومره كثر الدراهم واميره

نسل السباع اللي تنومس بشمر = لاحل سل مهندن من جفيره

ابن الزعيم اللي على المجد شمر = شيخٍ لعسرات المواقف ذخيره

فارس توفى لكن المجد عمر = لو ان يجحدله جمايل وسيره

الصيرمي منه القرانيس خمر = ماهي سوالف عاجزن وسط صيره

لاصنقرت بالقيظ والحزم جمر = فيةّ اجا ولا ملاوي سميره

هذا شداده بالمفاخر مقمر= وعقبه عباته جبعتها العثيره

اسمه على تاج الزعامه مسمر = يجير من طيبه على الصعب جيره

لا ياسطم حالي من الوقت دمر = والحر برقع صاقره ما يعيره

ياسطم يوم ان المواقف تثمر = وقفاتنا صارت علينا كسيره

ياسطم ما حنى دجاجٍ وحمر = رجال قومٍ له زنود وبصيره

عرش الزعامه عقب فارس مدمر= كلن علينا قام يشعب بعيره

حنا كسبنا المجد من فوق ضمر = بالحدب ما هي منحةً من وزيره

اما على روس العوالي نعمر = اقلاع عزن عاصيات وعسيره

عرد الجوانب سورها ما يطمر= في عرضها الشيهان يعلف صغيره

ولا بكيف اللي يزمر يزمر = وهذي نهاية حقبة عقب اميره [/poem][/frame][/frame][/frame][/frame]


http://www.b3b7.com/vb/showthread.php?t=49127