[ مميز ] روآية اوآه ياقلب للكآتبة سمر الفصل الاخير .. لعيون الامل

الخبر وصل لنايف ولينا
سعد ماتحمل اللي صار ودخل العنايه المشدده
محمد قاطع اخوه وحرم على اهله زيارة بيتهم
شوق صابها انهيار عصبي لانها كانت تحلم بالسراب


/

بعد مرور خمس سنوات على الاحداث اللي صارت ابو مازن اصبح رجل عاجز بكرسي متحرك مابيخدمه الا ولده سعود
محمد اصبح رجل مهموم اغلب وقته ويفكر ببنته شوق واللي صارت انطوائيه اغلب وقتها ماتكلم احد ولا احد يكلمها
مازن بفرنسا كمل الدكتوراه وبعدها سافر على امريكا عشان يبدأ حياه جديده هناك ومشروع تجاري هو كان يحلم فيه
لينا خطبها فارس وبعد عدة محاولات من امها قبلت واتزوجته ونايف اتخرج من الجامعه وصار يشتغل بشركة عمه سعد
عشان يمشيها بعد ترك مازن لها ومن خلال هذي الامور راح تبدأ احداث مشوقه وحياه جديده لــ [ هجير الشوق & اوآآه ياقلب ]

/

نايف : الو
ام نايف : هلا بوليدي
نايف : يمه ترى فارس ولد عمي ولينا بيتغدون عندنا لاتنسين اتوصي يام فارس
ام نايف : ابشر ياولدي لكن من بيجيبهم من المطار ؟
نايف : لاتخافي انا بذات نفسي راح اجيبهم بس انتي يالغاليه اتوصي تراهم عرسان
ام نايف : طيب ياولدي قلت لك ابشر

/

حكاية زواج لينا من فارس حكايتها تمت بسرعه وعلى السكيتي زي مابيقولو
ومجبورين فيها يعني حتى فرح ماعملو وزفه ماعملت لينا والهصيات اللي بنعرفها ماعملوها
محمد اجبر فارس على الزواج من لينا ولينا اجبرتها امها على الموافقه ووافقت رغم عنها

زواج لينا من فارس فقط زواج ورق وليس زواج مقدس
مافي مشاعر بينهم مافي حتى تبادل لاطراف الحديث
دخل فارس البيت السلام عليكم
نظرت لينا له وعليكم السلام
وبعدها الهدوء يسطو على المكان
شهر العسل كان بميلانو ايطاليا لكن لا فسحات ولا حتى تسوق وسياحه تليق بعرسان

قبل لانتكلم عن مابعد زواج لينا بفارس
فارس كان خاطب روان بنت عمه سعد وكان مغرم فيها لحد الجنون
لكن بعد اللي صار من مازن محمد قال لابنه يطلق روان ويقطع علاقته فيها وفي بيت عمه
نهائي القرار كان صعب على فارس واجبر انو يطلق وبعد فتره اجبر على الزواج من لينا

لينا وفارس وبداية المعاناه مع قلبين ضايعين بالحياه

/

وصلت طيارة لينا وفارس واستقبلهم نايف مبتسم وياهلا ياهلا حياكم
فارس : هلا فيك يانايف
لينا : نايف كيف امي عساها بخير
نايف : هلا فيك يابو رحم وامي كويسه ياليون يلا مشينا تراها تستنانا
فارس : سامحني خد لينا معاك انا ابغى اروح اتطمن على اهلي
نايف : خذ راحتك بس لعلمك غداكم عندنا امي متوصيه فيكم
فارس : ابشر وان شاء الله خير

/

لوس انجلس مدينه امريكيه جميله دايما مازن يعشقها ويعشق يزورها
يعشق قهوتها الصباحيه وعلى مكتبه ولابه
بيرن جواله : الوو
مها : مازن متى حاتجي على الغدا ترى بنتك ازعجتني
مازن : اوووه عامله لك ازعاج
مها : مازن لاتتريق لا جد متى حاتجي ع الغدا ؟
مازن : كالعاده ياقلبي
مها : طيب خد كلم بنتك عشان تقتنع
مازن : الو يابابا اشبك زعلانه ؟
البنت : بابا انا زعلانه لانك ماحتجي بدري وانتا وعدتني توديني الملاهي
مازن : يوووه نسيت اجل راح اجيكم الحين وليش ماذكرتيني طيب
البنت : مثلك نسيت مو بنتك
مازن : هههههههههههه بنت ابوها فعلا يالله انا جاي
البنت : وانا استناك

قفل مازن السماعه وسماع صوت بنته بيترجع له ضحكته وهو بعز المه
وبعز ذكرياته الاليمه وبالسعوديه وبقلبه التعبان وبابوه العاجز وباخته اللي اتطلقت بسببه
هموم كتيره شايلها مازن بقلبه لكن ولا عمره باح فيها الا لرفيق دربه نايف

/

واشنطن دي سي واتخرجت ريم وطلبت من خالد تكمل ماجستير ودكتوراه بامريكا
خالد شجعها وفرح لانو اخته ريم عدت مرحلتها ودخلت حياه جديده وزادت فرحته لما صاحبه احمد خطب اخته وهيا
وافقت عليه من دون تردد
ريم : خالد نفسي تتزوج ياخويا
خالد : عندك بنت الحلال اللي تقبل تتزوجني ؟
ريم : ايه فيه نوره اخت مها صاحبتي
خالد : اوووه اتاريك مجهزه كل شي
ريم : المهم اكلم امي عشان تروح تخطبها لك والا شلون
خالد : اول اشوفها
ريم : ياخي عيب استح انت على بالك اننا في امريكا يوم تقول ابغى اشوفها تراها بالرياض يعني البنت اهلها
متشددين شوي
خالد : وانا وش لي بالمتشددين وراك بليتي خيك فيهم
ريم : لا مو متشددين متشددين بالمعنى اللي انت فهمته انا اقصد بالعادات ياخيي
خالد : اها اذا كذا ماعندي مانع كلمي الوالده وخليهم يخطبون
ريم : حلو كويس اجل تم الحين فريره ادق على امي عشان تخطبها لك

/

فارس دخل على اخته شوق ولقاها على نفس حالتها مافي تقدم
الغرفه ظلام وشوق بزاوية الغرفه تناظر السقف وتتامله وبصمت
حاول يكلمها لكن مافي اي فايده
شعور قاسي شعر فيه فارس خرجت دمعه من عيونه وخرج
وجلس يكلم نفسه [ الله يسامحك يامازن ] شتتنا وفرقت مابين الناس
محمد : فارس متى جيت ؟
فارس : هلا يابويا مالي ساعه شلونك اخبارك طمني عن صحتك
محمد : صحتي مثل صحة اختك الا لينا وينها
فارس : لينا عند امها وتراها معزومه هناك
محمد : ادري ياولدي اني ظلمتك وزوجتك غصب عنك ومن بنت ماتبيها لكن المفروض تدري بالظروف
فارس : يبه انت حرمتني من قلبي لكن ماقدر اقولك لا كل اللي اقوله تامر وانا انفذ وبس
محمد : سامحني وانا ابوك
فارس : مسامحك يايبا بس لعلمك حياتي مع لينا على ورق بس
محمد سمع كلام ولده فارس خنقته العبره وجلس يردد له : الله يهديك ياولدي وتركه وراح

/

لينا عند امها ساكته وامها تبغاها تتكلم باي طريقه لكن مافي امل
نايف رجع لشركة عمه سعد يشوف امورها بعدها يرجع للشغل
فجآه ضرب جرس الباب فتحته الشغاله فيه طرد وجاي عن طريق البريد السريع هديه لـ لينا
استلمته لينا وفتحته وانصدمت من الكلام الموجه لها فيه

[ مبروك الزواج واتمنى انك تنسي الماضي لاني نسيت ]

الهديه عباره عن خاتم الماس وجهز خصيصا لها ومزخرف باسمها على شكل قلب
ام نايف : ماشاء الله ومن اللي مرسل الهديه
لينا : مادري حتى اسم مو مكتوب عليه لكن فيه ختم قلب وبوسطه حرفي وصورة بنت لزوزه تشبه لي
ام نايف : خير اللهم اجعله خير شوفي من فين جاي الطرد
لينا : من ايطاليا !!
ام نايف : تعرفون احد هناك
لينا : لا والله ماعرف احد بس من يكون ؟

لينا اتصلت على نايف تبلغه على اللي حصل من ارسال للهديه
نايف : مادري وانا اخوك ماعرف ناس هناك في ايطاليا انتي حاولي تتذكري من يرسل لك هديه ومن ايطاليا
لينا : وانا اش عرفني دا كانو بيعرفني من زمان
نايف : خلص انسي بس اهم شي فارس لايدري عن هالهديه
لينا : وانا خبله اقوله اذا عرف حايمسكني تحقيق
نايف : خلص ولا يهمك ولا تشيلي هم
قفل نايف السماعه وابتسم وقال لنفسه اخيرا عملتها يابن الحلال

/

روان بالمستشفى بتراجع اوراق ابوها عشان العلاج الطبيعي ومعها اخوها سعود
وابو سعد من يوم ماصابه العجز وهو على العلاج الطبيعي لكن من دون فايده
ودايما معصب ومايحب احد يكلمه خصوصا اذا جات سيرة مازن
روان تاشر لسعود يلا ادخل انا كلمة الطبيب المعالج
سعود دخل مع ابوه وفضلت روان تستناهم

/

نرجع لامريكا ولوس انجلس بالتحديد مازن دخل البيت ورفع صوته : Im Hoom
نزلت بنته تجري فرحانه وتقوله : اهلا في بابا يلا انا مستعده للخرجه
مازن : استني عليا يابنت على الاقل اخذ بريك
البنت : لا مافي بريك ولا استراحه بابا انتا وعدت ووعد الحر دين عليه
مازن : طيب طيب يالبكاشه يلا فين امك عشان نخرج سوىا صعب اتركها لوحدها
البنت : الله واكبر كل يوم تتركها لوحدها اش معنى اليوم
مازن : لانك كل يوم معها لكن اليوم انتي راح تخرجي وبصراحه اخاف عليها
البنت : اها يابكاش طيب راح ناخدها معانا
مازن : اجل ياشطوره روحي ناديها
وراحت بنت مازن تنادي امها ..

لحظه لحظه نسيت اقولكم كيف اتعرف مازن على مها وكيف اتزوجها

مازن فترة وجوده بفرنسا كان ماشي وفجآه تتصدم فيه بنت وتتهاوش معاه في وسط باريس
مازن اعجب بقوة شخصيتها وفظل طوال هواشها له يضحك ويبتسم
في اليوم الثاني وفي الجامعه القتو ببعض واعتذر كل منهم لبعض واتوطدت العلاقه
صارو مابيفارقو لبعض لكن مازن وقتها علاقته فيها علاقة زماله وصداقه فقط لكن مها اعجبت بمازن اعجاب
خلاها تحبه وتصارحه ومن يومها وهيا معاه مازن عشان الكلام البطال مايخرج على مها واحترام لحبها له
طلبها للزواج ووافقت واتزوجو بفرنسا وبعد زواجهم بسنه حملت مها وجابت بنت وسمووها ...








يـــــتـــــبــــع ~~