قصيدة الأم للشاعر الحميدي الشمري((الكل يبكيها))

السلام عليكم ورحمة الله وبركاته

أعزائي أعضاء منتدى بعد حيي
قصيدة .. ليست قصيدة فقط

قصيدة في أحب وأغلى مانملك .. وأحرّ مانفقد

الشاعر الحميدي الشمري نسج خيوط هذه القصيدة بشعور وإحساس عالي ومرهف

وجدت هذه القصيدة فأحببت أن تشاركوني مشاعرها..

القصيدة ...

خايف عليها من الثّرى غطاها...
والا الحصى حافي..أخاف أذّاها...
أكرم عليها بالكفن يامطوّع...
بالبيت ظلّ فراشها وغطاها...
أكرم عليها بالكفن هذي امي...
وإشهد عليها بما عطت يمناها...
هذي الضّحى والليل يتحرونه...
هذي السّماء ونجومها تنعاها...
هذي السوالف مثلنا تبكيها...
والأرض تنشد عن أثر لخطاها...
هذي الكبيرة كبر هذي الدنيا...
هذي العظيمه جلّ من سواها...
أبكي عليها مو نهار وليله...!
ولا سنه تمشي وأعد قضاها...
أبكي عليها كثر ماشالتني...
وكثر الحنين اللي إختلط بغناها...
وكثر الأسامي..وكثر من سمّوها...
وكثر النجوم..وكثر من يرعاها...
ابكي عليها من القهر يادنيا...
من لي انا؟ من لي عقب فرقاها ؟
من فتحت عيني.. ولا خلّتني...
شوفوا ولدها بالقبر خلاها !!
هلّ التراب بوجهها.. ماقصّر...
شفتوا ولدها كيف هو جازاها ؟
لو إنها مكاني ماسوّتها...
لكن أعزّ عيالها سواها...
يالدود شفها ذابله .. جنّبها...
أنا ولدها .. وحاضر .. وأفداها...
قطّعني هاك اللي تبي من جسمي...
بس الكريمه لا تجي بحذاها...
وأوصيك أمانه قل لها تعذرني...
وتكفى تروح تحب لي ماطاها...
أبيها تغفر لي مثل ماكانت...
كل خمله مني بطيبها .. ترفاها...
يالله عساها بالنعيم الخالد...
وعساها في جنة عدن سكناها...
يافضو هذا الكون .. ياهو خالي...
ياضيق هذي الدنيا .. يا مقساها...
يامر طعم فراقها.. يامرّه...
ماني مصدق أرجع وما ألقاها؟!
وشلون أجي غرفتها ماهي فيها؟
وش عذري لسبحتها .. ومصلّاها؟
شـ أقول أنا لدولابها , لشنطتها؟
واذا سئلني مشطها , وحنّاها؟
وعباتها , ومي زمزم , ومصحفها؟
والمبخره ,ورشوشها, وإدواها؟
الكل في غرفتها متفقدها ...
حتى الجدار .. مفطّر ويرجاها...
الكل يبكيها .. ماهو ناسيها...
يالله صبّرني شلون أنساها...
ياليتها ماراحت وخلتني...
أو وسعت لي بالقبر وياها...

وفي الأخير أجمل تحيه مني لكم وأتمنى أن تحوز هذه القصيدة على إستحسانكم..

مما راق لي

قصيده رائعه والله يخلي أمهاتنا أن شاء الله
تسلمين عذووبه الله يعافيك
دمتي في حفظ الرحمن

اقتباس: المشاركة الأصلية كتبت بواسطة شباصة أجوديه    قصيده رائعه والله يخلي أمهاتنا أن شاء الله تسلمين عذووبه الله يعافيك دمتي في حفظ الرحمن

سلمتي ياااااخت شبوصه وكان لى الشرف بأن تكوني انت اول من وضع بصمته ومروره على متصفحي
فلكي بااااااقه من الجوري التمناثر على روحك الجميله

قصيدهـ رووووعهـ

الله يخلي لنآ أمهاتنآ

سلمتِ وسلم نبضك

اقتباس: المشاركة الأصلية كتبت بواسطة نائبة القمر    قصيدهـ رووووعهـ الله يخلي لنآ أمهاتنآ سلمتِ وسلم نبضك

الأروع هو مرورك الأكثر من مشرف اختي نائبة القمر

هنا وقفت حائرآ ماذآ آكتب
آمام هذه آلحروف
آمام هذا الاحسآآس
ان حروفي تختبئ خلف الخجل امآم حروفك
انتي مبدعه ولو ان هذه الكلمة لن تعطيك شي من حقك
والاجمل نورك الذي تشكل هنا في اجمل صوره
سلم لنآ فكرك وقلمك وحسك
عزيزتي
عذرا على المرور المتواضع
تحياتي

لااعرف مااقول
قصيده في منتهى الروووعه
الله يحفظ لنا امهاتنا من كل مكروه
وتسلم الايادي يالغلا على النقل المميز

شـكــ وبارك الله فيك ـــرا لك ... لك مني أجمل تحية .
عذبة الاحساس