((ديوان الشاعرمتعب بن طوالة))

[frame="12 85"][frame="10 85"][frame="10 85"][poem=font=",6,white,normal,normal" bkcolor="seagreen" bkimage="" border="double,7,seagreen" type=2 line=0 align=center use=ex num="0,black""]

مرحبا ياطنب نجد وياعموده= جيتك للعاصمه جيت سحابي

انت ياسلطان ابو خالد وجوده= جود وسمٍ لاتهشم بالروابي

السعد والعز في شجرة سعوده=ماعليك من الحديا والغرابي

لوتبابي وسط لندن في وعوده= وش يجيب الشط لحزوم السرابي

ابوخالد تنقل الكايد زنوده= تخمر الندر الياحام العقابي

قايد لامن تقدم في جنوده= يظرب العايل على حد العلابي

انعمي يالمملكه وارقي سنوده= طاب سلطان الصخى والجود طابي

لو تناقز في جنابيها زيوده= مايخرعنا حداها والجنابي

دام سلطان الصخى يحمي حدوده= لايهومنك محصنة المخابي

من يعز الدين جعل الله يزوده= والخوارج جعل ابوها للذهابي

عارفين اهل العمايم مع يهوده= يوم حاربهم ابو بكر الصحابي

لو نسب للمصطفى سالف جدوده= وش يجيب محمدٍ للاهل الكتابي

سنة الاسلام بالكعبه بنوده= عند حكام الشريعه يالمحابي

عزو الاسلام والعالم شهوده= فوق قب الخيل وظهور الركابي

عارفين البيض ماتشبه لسوده= واعذروني كان قصرت بجوابي[/poem][/frame][/frame][/frame]


http://www.b3b7.com/vb/showthread.php?t=59975