ماآحب آنا الدمعه على خد غآلي ..!

لا ترخص الدمعه ترى دمعتك هم
ماحب انا الدمعه على خد غالي


لو سقت لي موتي بكاسن به السم
شربت مابالكاس ياراس مالي



حبك تمكن في عروقي مع الدم
وغلاك مابعده جفا ياوصالي



بنيت قلبن في زمانه تهدّم
واحييت روحن فانيه للزوالي



جيتك وقلبي بالفرح ما توسم
وتركت غيرك لو هواهم صفى لي



جيتك ظمى عاشق بطيفك متيم
ساقتني اقدارك وحظن برا لي



جيتك غريقن مابعمره تبسم
والحزن يرسم صورته في خيالي



جيتك بقايا مابقى جاك والتم
وجيتي على كيفي على شف بالي



انت ( الغلا ) .. منك الغلا لو تعلم
ماشفت شي في زماني مضى لي



ابعد تفاكيرك ودمعن على الكم
ملعون يادمعن على الخد سالي



واضحك ترى همي لمحك وتكلم
همي رفيق الدمع ياللي قبالي



اعرفك ماترضى لي الهم يهتم
ودك تجي وتشيل همي بدالي



امسح دموعك يالغضي دمعتك هم
ماحب انا الدمعه على خد غالي




رآقت لي فكآنت هنآ