من لايفكر بزعلي ماهو مفكر في رضاي ..!!

حقي وماجاني بعد .. لن الخطا أصلا خطاي
........ ليه اطرد اللي بالشجر .. واطيّر اللي في يدي

كان بيدي طيرٍ هدي .. دايم يحلّق في سماي
....... هداه لي رب السمـا ، والله لمــن شاء يهدي

لمحت غيره بالشجر .. طيرٍ يعشّمني هناي
........ قلت انتهى وقت الشقا ، والهم ، والحظ الردي

كنت احسب ان الله خلَف صبري ، وخفف من عناي
....... يومه لفا يدرج غلا .. قمت و تنطّحته عدي

جاني من اسباب الخجل .. عاجز يعبر عن غلاي
....... حتى الحكي .. من ربكته ، كان يتلعثم ويغدي

يشكي عليّ من الضما .. ماهو بداري عن ضماي
...... يشوفني : قطرة فرح ، واشوف به : نبع اسعدي

فداني بعمره وانا عمري ... بدا منـّـه وجاي
............ اصبحت اشوف بجيّته ، يمي بداية مولدي

زرعت حبه داخلي ، حتى تفرعن ، في حشاي
.......... ماهو ردي ّ.. وطاح له ، في خافقٍ ماهو ردي

وفيت له حد العما ، يعني وش اكثر من عماي ؟
........ عن كل من يمشي ورى قلبي .. ويطـْردْه طردي

ومن بعد ماعفت البشر لجله .. وملّكته فضاي
........ امسى معاي البارحه .. واليوم صبّحت وحَدي

لاوافجيعة .. حلمي الغافي ، على وسادة مناي
........... لاواخسارة وقتي الضايع ، وصبري ، وإجلدي

لاوابلادة حبي الثابت .. على مبدا وفاي
....... لاواحسافة مامضى ، من مـــدّ حبي،وإجهدي

من لايفكر بزعلي ماهو مفكر في رضاي
........ ومن شح قلبه بالغلا .. وشعاد لو كفه ندي

لاصار ماهو واثقِ فيني .. مهو باقي معاي
.......... لواطعمه بيدي لحم ، والا اطعمه حتى يدي

حقي وماجاني بعد لن الخطا اصلا خطاي
........ لديت عيني للشجر واطلقت لي طيرٍ هدي

التالق حظورك
والتميز نقلك وتواجدك
عاد خلف عندى غير لاغلا ولا شعر
ربي يسعد قلبك

تقديرى لك واحترامى