المجامله الكذابه

قصيدة المجاملة الكذابة

[ALIGN=CENTER][TABLE1="width:95%;"][CELL="filter:;"][ALIGN=center]

اضحك واجامل ونار الهم بضلوعي

[/ALIGN][ALIGN=center]

وأحاول انسى هموم الوقت وأتعابه
شربتلي من شراب البين طرقوعي
كاسٍ مراره يذوب كبد شرابه
الوقت هاذي سواته مايجي طوعي
لازم يدمي من اللي عاش به نابه
افواج الاحداث مادامت على نوعي
أنواع لاكن هموم الوقت تتشابه
اقول باللحظه اللي تذرف دموعي
هاذي دموع الفرح والنفس غلابه
اليا حصل ساعةٍ فيها هدا روعي
هي عيد قلبٍ سيوف الخوف تعثابه
احارب الياس وامضي واشعل شموعي
وما قدر الله على الانسان يرضابه
لو كنت بارض ٍ خليه مابها دوعي
اخير من قربة الشمات واصحابه
ترى أطيب القوم ياناشد هم ربوعي
واللاش لو هو من أدنى الناس ما أشقابه
الله جعل للمخاليق اصل وفروعي
ومن جالس الخيرين الخير يهنابه
بصدور الاخيار للاخبار ينبوعي
مجالس المجد لاهل المجد جذابه
عندي تجارب حياة الناس مجموعي
رغبت علم التجارب وأدرس كتابه
الناس ترغب وتتبع كل ممنوعي
من يجهل الشي دايم يبدي اعجابه
يازين بالعز شرب السم منقوعي
ولا العسل بالإهانه موت يدعابه
عنك القلم ياقليل العرف مرفوعي
من قل عرفه تخلف والجهل عابه
الفرق مابين موضوعك وموضوعي
تقدير ظرفا ً جميع الناس تبلابه
للناس طبع ٍ بوقت الصغر مطبوعي
تغيير طبع البشر ماتملك أسبابه
مع طول الايام كل العلم مذيوعي
ماصار في عالم النجدين يدرابه
من عامل الناس بالمعروف متبوعي
الرفق راعيه روّض سيد الغابه
من ينفع الناس باتلا الوقت منفوعي
الله بيوم القيامه يوفي حسابه
الخير من حاملين الكبر منزوعي
تباعت الهون للمعروف هيابه
ياليت لو دابر الانذال مقطوعي
لو كان ماينقص الممدوح سبابه
الشر يازارعه بالخير مدفوعي
لاتعلن الحرب خل السيف بجرابه
لاتطلب الزود يابو ثوب مرقوعي
كلً على طول جسمه يلبس ثيابه
ماشفت عنتر بتال الخيل مصروعي
ما فاد فيه العناد وقوة أعصابه
ترى الغلط لو يدوم سنين مرجوعي
يرجع على راس من كان يتمادابه
ماكل من قال يالادنين مسموعي
بعض الرجاجيل يفشل من تعزوابه
ولاكل درعا ً من الفولاذ مصنوعي
ولا كل سيفٍ نهار الضيق يدلابه
ولا كل من يدعي بالصدق مشفوعي
كل الحقايق بموت الروح كذابه
يوم المراجل كرم وسيوف ودروعي
ماكل من يطلب النوماس يحظابه
من لاتجمل بوقت الخوف والجوعي
وقت الرخى كل واحد يفتل اشنابه
من لاصبر ماقدر والجود مزروعي
وكلً على ميل نفسه يدلج اركابه
عبادة الناس ماهي حق مشروعي
جريمةٍ ترتكبها ناس نصابه
لابد سن اللبن بالسن مقلوعي
لازم يقزيه عن راسً تربابه
لابد للبدر بعض الوقت بسطوعي
يسطع شعاعه وكل الناس تحيابه
لابد للشمس بعد الليل بطلوعي
وكل الخلايق لرب الكون طلابه
يضحك ضعيف العقل لو صاح مفجوعي
من لاوطى الجمر ظن الناس لعابه
م

[/ALIGN][/CELL][/TABLE1][/ALIGN]

راااائعه

انتقاء جميل ورااقي

يسلم اختياارك وذووقك

تحيتي

[align=center][table1="width:95%;"][cell="filter:;"][align=center]
اهلين اختي على النيه لا هنتي على المرور
[/align][/cell][/table1][/align]

النجم

سلمت على الانتقاء الرائع

كل الشكر لك

[align=center][table1="width:95%;"][cell="filter:;"][align=center]
كبرياء شمر مرورك شرفني لا هنت يا غالي
[/align][/cell][/table1][/align]

إنتقآء رآئع

سلمت وسلم نبضك

[align=center][table1="width:95%;"][cell="filter:;"][align=center]
الله يسلمك
[/align][/cell][/table1][/align]


اشكركم على المرور لا هنتي نا ئبه

احارب الياس وامضي واشعل شموعي
وما قدر الله على الانسان يرضابه



ابيات رائعة وذائقة جميله
سلمت يداك أخي الكريم ودام حسك ونبضك
دمت بخير..

النجم الشمالي
تسلم يدينكـ على روعة الأختيار
والله يعطيكـ العافية

اشكركم على المرور لا هنتوا
حنين الشوق
مناهي