استمتعو استفيدو انطباعي عن حائل واشياء اخرى

اقتباس: 240... كنت قطعت وعد بأني لا اتعدى 120 كلم بالساعة للوالدة لكن بعدما ركبت الطريق واشتغلت السماعات اناظر السرعة ياساتر 240 يؤيؤ ومثبت السرعة بعد بغيت اقش كذا عائلة من امامي ياربييييه هالسرعة مدري ليش احس مثل الدخان ادمان والله كنت متوقع الوصول الساعة 10 مساء جيتهم 7.45 مساء... السيارة بين السماء والارض من السرعة !!!! قبل الموعد المحدد بساعتين وربع كلها من السرعة ليت لو فيه حبوب بالصيدليه تخلي الواحد يكره السرعه قبل لايجيب العيد... ياساتر استر...

ياخوي السرعه مالها لزمه
السرعه هي اللي حرمتنا من اخوي الله يرحمه
ياما نصحناه بس مايسمع وهاللحين ماينفع
انصحك ياخوي لاتسرع

اقتباس: بنات حايل!!!! كنت متوقف باالسيارة انتظر احد اصدقائي لكن لفت نظري امرأة تناظر وتقزززززز انا قلت اكيد البنت مشبهه علي تحسبني واحد من عياله او ربعه بغيت انزل من السيارة واقول كفاية ترا انا غريب هههه المهم وقلت ممكن البنت مو مضبوطة بعدين رحت للسوق الا والنظرات تلاحقن استغربت مو اي نظرات نظرات حادة بعد متفحصة من فوق لتحت هههه انا قلت الوضع ماينسكت عليه كان معي اخوي مدرس بحايل وبينقل السنة هذي للرياض قلت وش السالفة البنات عندكم نظراتهم كذا والله خفت منهم ضحك علي وقال يمكن عشانك حلو خخخخخ في احد السنين جا واحد من الرياض وفاهم ان بنات حايل مثل الرياض مجرد ماتشوف نظرات مثل كذا معناه البنت معجبه فيك يوم شاف البنت تناظر صدق عمره الا وغمز بعينه مادرى الا وجاه علبة ببسي وسوت بصمة حلوة ع جبهته وتراهم عوب وجريئات وقويات لاتقرب لهم خخخخ خلاصة الكلام وزبدته.. -اذا رحت لحايل وشفت الناس رجال ولا بنات يناظرونك عادي لاتفهم غلط خلهم ياخذون راحتهم ويقزقزون ع كيفهم ومايبون منك شيء مجرد شفاية بس << عكس الرياض وهذ مو عيب ولاشي مجرد طبع تطبعو عليه...<<خايف لاينقز بوجهه احد =================

بهالنقطه صراحه فارت اعصابي
انا بس بعرف وش هالثقه عليكم كل من ناظر لكم
تحسبونه ميته عليكم
عشان كذا انا امشي وعيوني بالارض عشان مايجي واحد
ويقول وحده تطالع فيني ويصدق نفسه

انا بالنقطه هذي صراحه ماايدك فيها
لان بنات حايل مالبسن عبايه ع الكتف وحطن اللثمه مابقى شي بالوجه ماطلع