►►موضوع شامل عن المرحوم الامير طلال الرشيد من مجهودي◄◄

"مــا جــتـــه"
ما جته..
يحتريها..موعد..آمال كبارٍ ناجته
يحتريها..حافظٍ بعض الكلام
اللي يبلغ حاجته.
يتأمل بالوجيه
ويتحراها تجيه
والثواني يأس..
يرجي وترتجيه:
لا تأمل بالوجيه
موعدك ..لا ..ما تجيه
وما جته!

الناظر الموعود
أشبه بالعود
..اللي وقفت يومٍ على متنه حمامه
راحت..وناطرها تعود
طويلٍ نفس ليله
ويرجي صبر حيله
ويلهّ
كم تأمل بالوجيه
وكم تحراها تجيه
وما جته!

لو قيل لي
إن القمر..ياطى على متون النجوم
والشمس لاجا الليل
ترخي جوانحها وتنوم
وان الغيوم
شخصٍ بأسراره كتوم
أصدق..وما أصدق تجيه
اللي على خده يده
واللي الأمل بـ أسمه نده:
قم تأمل بالوجيه..
موعدك لازم تجيه.
وما جته!!!



"يــا ظــلـــوم"
يا ظلوم
الناس لا نامت
انا اللي ما انوم
لا تلوم
جيتك ادور فيك تفريج الهموم
اتذكر اني فـ يوم انا ناديت:
حبيبي القاسي!!
ولا انسى إنك يومها رديت:
من إنت انا ناسي!؟
ورجعت انا
مكسور منك خاطري
خجلان من ناسي
مياس الاعطاف
صحت لك من جرح نفسي
والله انا اخاف
يصير باكر..مثل امسي
يا قاسي
لا ينكسر وجهك معي
احساسي اتعب كفوفي ومدمعي
آواه يا صوتي
اللي تكسر بالمسافه
آواه يا صوتي
إصرخ !
انا فراقه اخافه..
يا بايع ايامي فـ يوم
ليه يا ظلوم

اعذرني لو قلت..
انك اقسى من زماني.
اعذرني لو صرت
اشبه حبيبي الاناني
اعطيتك..
وما انتظر رد العطا
هويتك..
وقلبي لك فراش وغطا
آواه يا داري..
راحل اوقف والتفت لك
آواه يا داري..
دمعة وداعٍ حولت لك
لا صرت في صمتك تلوم
لا تنوم..




"أم الـصــقــور"
مرثيه الامير طلال العبدالعزيز الرشيد رحمه الله في والدة الامير فيصل بن فهد آل سعود,,,

الموت فيصل..يا فيصل..والليالي عبور
والناس موتى..ولو طال الزمن والمقام
والحزن..لو ضاق به كونٍ فسيح وصدور
تستاهله شيخةٍ جابتك يا ابن الامام
جانا الخبر..وانفجع به كل قلبٍ صبور
ونام الخبر..واستحت عين القصايد تنام
تبكي..تبي الدمع يغسل ما علق بالشعور
ومع كل دمعه يطول العشب..حزن وظلام
في روضة القبر..يا ام المعتلين الصقور
في جنة الخلد..يا بنت الرجال الكرام
الدرب واحد..وهذا الموت كاسه تدور
وكل ادميٍ لابد يعيش لحظه ختام