►►موضوع شامل عن المرحوم الامير طلال الرشيد من مجهودي◄◄

"لــبــيــه"
لبّيه ..يا عيونٍ تخون العبارة
ولو خانها بعض الزمن..قلت لبّيه
للشوق..بعيون الحبايب أمارة
بــســمــه..بحزن..ان مَرّ..او مرّ طاريه
شفت الحكي بين العيون..بمرارة
عينه تقول الحب..وعينك تقول::ايه!
كيف الحكي..تقوى العيون واختصاره
وكيف العتب..يقوى على الهمّ يرضيه
واللي يعنّيه الشتا..وسط داره
لا حدّته دنياه..هاجر بأراضيه
واللي وقف لليأس..طال انتظاره
واللي قَنَعْ..وَصْلَ الأحاسيس يرضيه
كان الفراق..الحل..لا واخسارة!!
يموت حبٍ بين غالي وغاليه
لا تقول..جابتني الصدف في دياره
قلبه نده قلبك..وقلبك يناديه



"جـنـيـن الـروح"
يا بعد حيي..جنين الروح..من بأسمك شرق
..غير من سكّنك بعيونه..وبعيونك يذوب
لي متى يبطي وقوفي..لي متى هذا الغرق
ولي متى..من خوف جرحك..أجمع فصدري قلوب
داخلي انسان وقف دون سرّه..واختنق
لا وقف بين الورق والغصن..وش ذنب الهبوب
طالبك يا بنت..لي نام البحر تحت الشفق
اذكريني..لي غدى بالشمس ندّاه الغروب
اذكريني ليلةٍ جفني..جفا جفني..أرق
لا حكوا عن مستهامٍ..لو يخيّر ما يتوب
صدقي ان الجفا بعضه وفا..لي من صدق!
واقسى معنى للمواجه صدقيني فــ الهروب!
والهبوب ان عاند الورد وتنكر..له..فسق
وش بقى للحزن في قلب الفراش الا الذنوب؟!
آه انا لا من غدى احساسي دموع وعرق
وارتحلت..ادوّرك..تاطى على وجهي الدروب!
يومها..وش يبقى للي راس ماله في ورق
إحترَق في صدره اللّي لو حضن شمسٍ..تذوب!!




"أحــبــه حـــيــــل"
ليت ربي ما كتب لحظة وداع
ولا فراق ولا دموع ولا ضياع
ليت كل الناس خلٍ مع خليل
وكل ما قيل:
النهاية بين الأحباب الرحيل
قلت احبه حيل!
لو يوقّف..لحظة الفرح..الزمان
والمكان عيونك إنت أحلى مكان
في يديّ يديك والحاسد ذليل
وانا كل ما قيل:
الزمن غدار..وانت اكبر دليل
قلت احبه حيل!
وان غدت كل الأماني في يدي
أبتدي مع كل لحظة تبتدي
أعشق الدنيا مثل طيرٍ جميل
وكل ما قيل:
الأماني حلم مسجون وبخيل
قلت احبه حيل!
آه..يا حلو الأمل..والذكريات
والسعادة..ما تجي بالأمنيات
صبحها يبطي..وانا ليلي طويل
وكل ما قيل:
السعادة في المحبة مستحيل
قلت احبه حيل!
كل ما أدفن خيالك..يا عنيد
تمطر الدمعة..وينبت من جديد
شفت وش سوى بي..الحب الأصيل؟
وكل ما قيل:
من يطيع الناس بأحبابه..عليل
قلت احبه حيل!
لا نويت اعاتبك..ألقى الكلام
يعتذر لي منك..ويلوم الملام
والقى حتّى كلمة أحبك..قليل
وكل ما قيل:
إنت ليه أعمى..وضيعت الدليل
قلت احبه حيل!
كنت أهدِّد..بك..همومي والأرق
كنَّك انت النار..وهمومي ورق
لين صرت اليوم همّي المستحيل
وكل ما قيل:
مالك وللهم..يالصَّب النحيل
قلت احبه حيل!
ياللي طيفك يملا دايم مدمعي
قلَّي ليه وانتا معي..ما انتا معي؟
لو تجاملني..تسوي بي جميل!
وكل ما قيل:
بكرا تندم..لمّا..عن ظنك يميل
قلت احبه حيل!
من يقول الــــحــــب بــســمــه مــا تــفــوت
لـو يـحـب..يـشـوف كـم مـرة يـمـوت..
في الجفا..وقبل الجفا..وبعد الرحيل
وكل ما قيل:
شـ اللي خلاّ المُرّ ..في عيونك جميل؟
قلت احبه حيل!