بارتي النجاح " قبل النجاح " { ما عندهم وقت !!

السلام عليكم ورحمة الله وبركاتو
آزيكوو كلووو



الف مبروك النجاح للصبايا والشباب ،،
وبالزات للمتخرجين والمتخرجات


سوينا حفلة من نوع تاني ،،
العالم تسوي حفلة النجاح بعد الشهادات !!
أحنا سوينا حفلة النجاح بعد الامتحانات على طول قبل الشهادات
البعض خلص يوم الـ 3 والحفلة الربوع اليوم التاني ع طول << مستعجلين مره !!
المهم أحلى ما في الحفلة ممنوع اصطحاب الأطفال وما في أمهات كمان ،،
بس بنات !!
أحم أحم ترى الحفلة في بيتنا يعني أنا الليدر ،،
و شرعت وسويت لهم فعاليات خنفشارية ،،
المعازيم // بنات خوالي وبنات خالاتي وصاحباتي وصاحباتهم
16 وآنا الـ 17





أول شي عزمت كل أبنائي وبناتي
وكلهم حضروا بس من كترتهم ما أعرفهم عددهم !!



هدولي عيالي بس بعضهم طلعتهم من الأرشيف خخخخ





وهنا زينة الحفلة وباقي الخرابيط ،،
على قول ماما " حراج بن قاسم "











أول شي المدخل لمكان البارتي
وعلقت هده العبارات ،،




هدا عناد في أخوني عشان كانوا مقهورين ليش أسوي الحفلة قبل الشهادات ،،
وكمان عشان ما بيحضروا !!





وهدا لنسانيس الصغار !!






الناس تكتب ممنوع التصوير ،،
أنا عندي مسموح







أحلى شي صالة الرقص مكان ما هيصنا ولعبنا ،، بس ما قدرت أنزل ولا صورة
لانو كل الصور طالعين فيها البنات !!
بس هدا الصورة من صالة الرقص – مره مصدقين حالنا



اللمبات ملونة تدور بالسقف يعني على أساس ديسكو
وعشنا الجو ،، ما خلينا رقصة إلا رقصناها
أجنبي – مصري – دبكة – خليجي – بنجابي – وسوداني كمان







وهنا الصالة مكان ما أكلنا علقت صور أطفالنا عشان ماخليناهم يحضروا
رحمتهم وحطيت صورهم هع





وهنا من ركن تاني ،،




وهنا ركن الهدايا من بعيد بنفس صالة الأكل !!







وهنا من ئريب بخ !!



وجه من الحضور
بنت خالتوووو !!

الكورة اللي بيدها لعبنا بيها كل وحدة ترمي الكورة لتانية والميوزك شغال
وإذا قفلت الميوزك والكورة بإيد وحدة من البنات تطلع برى
وأخر وحدة هي الفايزة وتاخد بطاقة شحن !!
لعبناها مرتين ،،
الفايزة الاولى نونه – والتانية باتي
وع فكرة والله البنات نصبات كلهم يغشوا عشان البطاقة ،، فطسنا من الضحك !!






وهنا بعد ما فكينا المدري وش اسمها
هي اسطونها وجواتها ورق ملون لماعي وتطلع صوت زي الطرطيعة خخخ
المهم توسخ البيت
والشغالة لعنتنا وكانت مدري وش ترطن



وهنا طاولة الأكل







ماما سوتو كل شي أنا بس سويت صنفين حلى ،، وفرحانة طبعاً





الجاتو من بنت خلووو




الجاتو التاني من بنت خالا ،،







وهنا الطاولة بعد ما طفحنا خخخخخ




وهده الهدايا اللي ورزعتها عليهم !!


بنسبة لنا آحلى وآرووووع حفلة واللهي
كل سنة الأطفال قرف ،، هدا يبكي وهدا بدو البلونة وهدا فوق الطاولة يسحب الزينة
وآحنا معصبين منهم ،،



وبس ،،