قصه قتل الخوي وقصيده تبكي عن حق ......

السلام عليكم ورحمة الله وبركاته

هذه قصيده تحكي معاناة انساااان بسبب غلطه غير مقصوودة انتهت حياته ..

سلطااان بن رباح كان له اخ لم تلده امه اخ دين ودنيااااااااا .. هووو محمد بن عقيل ..

كانت صداقتهم على وضح النقااا .. ومن زود ما يغلي محمد سمّى ولده البكر محمد على اسم خويه ..

كانوااا يعشقووون الصيد .. وفي رحلة من رحلاتهم وفي فتره الظهيره ..

كان محمد يجهز الغداء وسلطان ينظف السلااااح ومن غير قصد وبدون علم بوجود الطلقه في مخزن السلاااح انطلقت الرصاصه

لتسكن في قلب محمد وترديه صريعاااااا ..

ولم يكن عندهم احد ..

وضع سلطان في السجن .. وبدات المشايخ بالوفود على اهل محمد لكي يصفحووو عن سلطان

ولكن بدون فائده ..

وصدر الحكم عليه بالقصاص ....

وبعد التنفيذ .. ومصادفة ً صار قبر سلطان في جنب قبر محمد ..

لا اطيل عليكم .. هذه القصيده بين ايديكم ..
وهي لشاعر (( جزاء البقمي ))



يا فلاح الهـم خيّـم فـوق قلبـي يـا فـلاح كيف تبغاني اسولـف وانـت خابرنـي عليـل

ويش قولك في عليل ٍ في حياتـه مـا ستـراح تنتثر دمعـة عيونـه لاظلـم الليـل الطويـل

حالته لا ما تباعد حـال ( سلطـان الربـاح ) بالخطا راحـت حياتـه والخطـا مالـه مثيـل

كان ويّا صاحبـه اثنيـن فـي أرض ٍ بـراح يطردون الصيد دايم من صبـح ليـن المقيـل

اجمعتهم صحبة الدنيـااا علـى جـد ومـزاح مـا يهابـون الليالـي والحمـول اللـي تميـل

ما قتل عامـد ولكـن ثـوّر ابليـس السـلاح بالخطا ثـار السـلاح ويـن يلقـى لـه دليـل

انعقد سجنه .. وربعـه تنتظـر فـك السـراح والاكيد انه سجين وما رضـووا ربـع القتيـل

هل دمعـه يـوم صلّـى ركعتيـن فالصبـاح في نهار الجمعه اللي مـن ثقيـل ٍ فـي ثقيـل

هلّل وكبّـر .. ونفسـه تذكـر اللـي راح راح كان في ربعه عزيز .. وذلّـه الوقـت الذليـل

(لا محمد لا تهانـي لا سعـود ولا صـلاح ) كلهم كانوا على بالـه وهمّـه فـي ( هديـل )

طفلة ٍ مـا كمّلـت عاميـن صايبهـا كسـاح وانتثـر دمعـه وحالـه مـن سبايبهـا نحيـل

حان تنفيذ القصاص .. وغطوا الراس بوشـاح وجاك سيّافه يشيل السيف ابـو حـد ٍ صقيـل

ارتخى راسه .. وزاد الموقف الحامي صيـاح بين نوح وبين دمع وبيـن صيحـات وعويـل

وارتفع صوت الحشود .. وزاده محمد وصـاح يا يبه تكفـى دخيلـك تستمـع قـول الدخيـل

يا يبه وشلون نصبر كيـف نهجـع بارتيـاح وانت من دنيااا عيالك ماخـذك مـر الرحيـل

يا محمد .. هاك علمي واحفظه قبـل المـراح انتبـه لاخوانـك وبالـك عليهـم لا تعـيـل

والله الله .. فالصـلاة وفالصيـام وفالصـلاح والله الله .. ف( امكم ) والله لكم بعـدي كفيـل

غمّـض عيونـه ونفسـه تطلـب الله السمـاح رافـع ٍ سبابتـه .. ( مظلـوم ) والله الوكيـل

سل سيّـاف الصفـا سيفـه ودقـه ثـم طـاح راس (سلطان المراجل ) وانتثـر دمـه يسيـل

غسلوه .. وكفنوه .. وفاح طيب السـدر فـاح وبالمصادف صار قبره جنب قبر ( ابن العقيل )

يا فلاح .. الكارثه ما هي سوالـف يـا فـلاح خلنـي ساكـت ودوّر غيـر هالقصـه بديـل


تحياتي للجميـع،،،

تسلم عاششششششششق امممممم
على القصه والقصيده
تصدق كنت اسمع فيها بس ماقريتها كامله
ياربي يعافيك ويسلمك ويسمممممنك

منذر

صح لسان البقمي
ومشككور اخوي عاشق
على القنل يعطيك عافيه
محزنه مره

جبلاوي

[frame="1 80"][align=center][glow1=#FF0000]العااشق


تسلم على هذا النقل الرائع تقبل شكري وتقديري


فعلاً قصة مؤلمة [/glow1]. [/align][/frame]

يعطيك عافيه العاشق
مشكور على القصه الممتعه والقصيده

سحر الشرق

عــmــاشق
تسلم اخوي على نقلك للقصيده المحزنه
يعطيك الف عافيه
اختك سهر

[grade="00008B FF6347 008000 4B0082"]عــmــاشق

الله يعطيك العافيه على هذا النقل الرائع

واشكرك على جهودك وتسلم يمينك

وربي يحفظك ويخليك[/grade]

عــmــاشق

كل الشكر على النقل المميز وعلى القصيده الرائعه

الله يعطيك الف عافيه وننتظر جديد المميز

عــmــاشق
تسلم اخوي على النقل للقصه والقصيده
يارب يعافيك لاهنت وصح لسان البقمي

الساري

شــــــاكر لكــــم مروركم الحلووو

واسعدتني ردودكم وطــــلتــكم بالموضوع

عــmــاشق
تسلم اخوي على نقلك للقصيده سلمت يديك
يامشرفنا الرائع

بنت القصيد

عــmــاشق
تسلم اخوي على نقلك للقصيده

عــmــاشق
مشكور على نقلك للقصيده سلمت يديك
يعطيك عافيه
وصح لسان الشاعر

قطر الندى

عاشق يارب يعافيك على النقل
كليجا

يعـــــــطيكم العــــافيه

وشاكــــــر لكم ردودكم الحلووووووه