هـذآ حـآل ألبنــآت !!!

هـذا بنـات اليـوم برقـع وجـوال
ولاعبايـة كتـف هـم يلبسـوهـا

والراس فوق الراس طرحه مع الشال
حتـى الخصـال الطيبـة افقدوهـا

يوم البنات اللي غـدٍ سبـة اهمـال
ويـوم السبايـب اهلهـا هملوهـا

الأم نامـت والابـو صـار تمثـال
والبنت راحت ويـن مـا يسألوهـا

بالليل تسهر بيـن هاتـف وجـوال
والا علـى دش الفلـس سهروهـا

اقفاي هي ما بين الاسـواق واقبـال
بلا غـرض راحـت ولا انشدوهـا

اللبس تلبس كل مـا يطـرب البـال
وفلوس لو تنقص عليهـا عطوهـا

من شافها باللبس يا ساتـر الحـال
يسبهـا ويسـب مــن خلفـوهـا

كومة لحم وعيون والرمـش قتـال
ويلا مشت كـل الشبـاب اتبعوهـا

هم ما دروا لو ان البراقـع بتنشـال
ونشوف وش تحت البراقـع خفوهـا

يرتاح من صابه من اسبابها هبـال
ويشوف والله من عيونـه هووهـا

وين البنات اللي بهم تضـرب امثـال
ليت السلـوم الطيبـة مـا تركوهـا

البنت زين البنـت لا زانـت الحـال
ما هو بلبـس ولا علـوم خذوهـا

وين المراجل ما بقى غيـرة ارجـال
ليـت الشـوارب واللحـى حلقوهـا

اللي على عاره رضي الـذل ينقـال
ليـت الكرامـة ليتهـم يرفعـوهـا

ما عاد ينفع قـول فيهـا ولا قـال
لا الأم والله ولا الأبــو انفعـوهـا

اصبح ضياع البنـت بسبـاب جـوال
البنـت ضاعـت والأهـل ضيعوهـا
مغـرورهـ بشــموـوخـي !