آبيء كليء ... ؤآنآـآ كليء يبيء آغرآإقـــــــيء .. ! !

[ALIGN=CENTER][TABLE1="width:95%;background-color:black;"][CELL="filter:;"][ALIGN=center]






مدام اني عصرت الفجر في عيني ونَبْت اشعور
حرام اقطف زهر قلبي وانا محتاج لـاعماقـي


حرام اصوّر البسمه : طفل يرقى ثبات السـور
وانا الطايح من الطايح من الطايح من اوراقي


حرام آجمّع اللولو وهو عـزه يجـي منثـور
أو اني لا رويت اتفل ظمـاي بلحيـة الساقـي


حرام اني أقشر ليل لجل احلم وأشوف أقشـور
أو اني لا حلمت اصحى واضيع بكذبة الباقـي


أجي نصفي حطام ونصفي الباقي رهن لكسور
واروح لـآخري يمه عشان استقبـل افراقـي


حبيس بداخلي عني :عمر طايش ،حلم عصفور
ومنفيني إلى الآخر على الآخر مـن :ارهاقـي


حبيس بداخلي : أبكم عجز يروي حكايا الجور
ومنفي للضياع اظما وأشرب مـن دم وثاقـي


حبيس بداخلي يمه عجزت اكذب أو اشهد زور
ومت بداخلي مبطي ، وحي بخارجـي باقـي


حبيس بداخلي يمه ويقرضنـي شتـا مسعـور
أهج بكل كلي خـوف ، تنتلنـي يـد اشواقـي



انا اذكر قلت له : تكفى خويي مانفخ بالصـور
أمانه لا تموت الحين ، وصدري ينفخ احراقـي


سكت يمه ، شهق يمه ، دنى ، نام بغياب النور
وانا اشدّه علي بـ: تذكـر وتذكـر وبـعناقـي


ولاحتى لفظ كلمه تعاتـب صوتـي المدحـور
ولاحتى بصوتي قام ينبّهنـي عـن : اخلاقـي


خويي ولا ذكرته حط في عيني ظـلام قبـور
وأنا اذكر يكتمه ريح التراب وساعـد افراقـي


أشوفه أمس ينشدني : متى كان الغياب حضور؟
وفي عينه يطيح الليل ، تترمد سمـا اشراقـي


أقول بغيبته شفنـي أجـاوب للمـدى بسطـور
أبد ما هالغياب إلا مسافـه : وانكسـر ساقـي


حرام اني أجي يمه لبيـتٍ يختصـر هالـدور
ولا القى فزّته ترقى بصوتٍ : حـي هالاقـي


حرام اني اسكن بثوبي وانا فارغ وهو مأمـور
حرام اني أبي كلي وانا كلـي يبـي اغراقـي


سكت يمه ، شهق يمه ، و نام وقمت انا بالبور
أشد الغيبـه بيـدّي واغـط الليـل بـحداقـي
[/ALIGN][/CELL][/TABLE1][/ALIGN]