خاطرْك ضايق وسّعيه ولا تشيلين الهموم

اشوف بك دمعه كأن اطيافها تشّر لنا
يا كاتمه سرّ الدموع اللي ضوت مثل النجوم
اللي مغيّبها الحيا عنّا وعن أنظارنا
وش حمّلك كتم العباير يالصبورة يالكتوم؟
اليا كتمتيها تراك تضيقين صدورنا
شوفي ترى ربعك معك، و كلنا حضنٍ رحوم
و كلنا من طبعنا //نفدي دمانا بعضنا
ان شفتي الواقع مرير إنسي حكاية ما أروم
قولي : انا قلبي قوي ومن الحدايد إنبنى
لا يستبيحنّك أسى يهد لك كل العزوم
انك انك أعطيتيه وجه يكافئك زود العنا
هذي نصيحه مُجمله ج تلك على وجه العموم
أقولها من بعد ما أكلت عليك قلوبنا
لا عد تعيشين الحزن ترى الحزن ماله لزوم
مدام ربي عيّشك في ظلنا في دربنا
انسي وش اللي صار لك قومي عسى حظك يقوم
فكي ملامح نونتك لو تاخذك رأفه بنا
ما دامنا حولك على مجلاسك الغالي نحوم
ما هْنا هموم ووسعي خاطرْك دامك جنبنا .

منقوله لكم