. . . . . . . . . . أحــيـــان ../!

أتوق ..
للوادي البعيد .. في زحمة الأشجار

والوان العذوق

أتوق .. ( نجل الما ) يرد الروح ..
في همس النسيم .. العطر، واللحظة / وطن!
منديل من ذكرى زمن ..
يجتاز خوفي للعروق!
يكتب على صدري / أحبّك ..

ما تركتي لي سوى بيتين شعر
أثقلت عيني بالسهر .. والشوق!

سولفت للبارح .. وانا بين السما .. والأرض
حائط زجاجي .. من أمل ، يجتاحني
واتعب!

ما غرّد القمري عبث
شفتك .. على تمثال : وردة .. فوق!
على زجاج النافذة .. بين السما والأرض
شفتك
بـ احدى خطوط العرض ..

تلبسني ثيابي .. تجارب
والقلم خوفي يرف .. ويطييييييييير

من قد رقى غصن الهبوب ، وشاف عصفورة لاجِل نكهة هوا :
تجلس تحارب ؟!
واااااااو .. حريّة !

وانا .. حبّيت ( أتــــوق )

لوحة على الجدار كُتب عليها :

أكتب وانا أدري يب يجي يوم تقرا
.................. وتعض أصابعك بندم .. لا تذكرت
إني بعد كل هالعمر .. صرت ذكرى !
................... وإنك على موعد لقانا .. تأخرت .

أما الشُرفة ؟!

فكأنما هناك صوت هادئ لعاشق يستند على الجدار وكأنه يكتب .
رسالة للهواء الذي يتنفسه . .

أحيان أحس إني وسط خافقك ذبت !
..................... وأحيان أجي بالبال لاصرت فاضي
يا صاحبي ليه أكره الناس لاغبت
..................... وأقول خذ قلبي معك .. منت راضي
كم ضاقت الدنيا علي وتعذبت
..................... وكم جيت لك قاضي وعوّدت قاضي
لا إنت الذي قدرت حالي وقربت
..................... ولاإنت الذي خليتني لإفتراضي
داخل عليك إن شفتني ليلة السبت
..................... خلك عن الوجه العبوس امتغاضي
ولاتسأل شلوني .. تراني تقلبت
..................... حتى بياض الوجه ماهو بياضي
لاتلومني .. كم شفت ناس وتغربت
..................... وكم دست بإحساسي ديار وأراضي
وإن كان حسيت إنك بوصلك أذنبت
..................... فالله .. ولا حب ٍ شقوقه عراضي
ولو أسألوك أهل الشماته .. وجاوبت
..................... قل : سيرته مايسمعه غير واضي
بآغيب أحبك وأذكرك .. وإنت لاغبت
..................... غيب بسلامة رب العباد راضي

: ورقة مهترئة

يا صاحبي وإن لقيت أسباب .................. لبعادنا .. قوم إبدا بي ..

بأحسب لفرقاك ألف حساب.................. بس المهم أرضي احبابي ..

لَ الشاعر المبدع :/
عبدالله البكر