يَوَمّ طَيَرَكّ فِيّ سَمَآ صَدَرَيّ يَحَوَمّ . . ||

بقضي الليله بـ آهات وْ هموم
,,,,,,,,,,,,, و احتري لك صبح ٍابْـ وسط الظلام
لين آعانق بك تغاريد القدوم
,,,,,,,,,,,,, لا سرى هالنور من بين الغمام
و ابتدى هالقلب من وهنه يقوم
,,,,,,,,,,,,, ينفض اللي صار في ليل اعتصام
يوم طيرك في سما صدري يحوم
,,,,,,,,,,,,, يستثير الخوف من ضيم الملام
وانطويت ابْـحسرة احساس امْهَزَوم
,,,,,,,,,,,,, و العيون ازرى يطوّقها منام
ترتقب علم ٍتغشّاه الغيوم
,,,,,,,,,,,,, خافي ٍ ما فيه موضوع ٍجِزَام
صاحبي !! ما عاد لي قلب ٍ كتوم
,,,,,,,,,,,,, يحتمل هالشوق من بين الحطام
ضجّ صدري من عواثير العزوم
,,,,,,,,,,,,, لا نويت انهي صراعات الخصام
وضعك اللي منه هالقلب امْحَرَوم
,,,,,,,,,,,,, طوّقنّي بين صمتي و الكلام
صار بوحي و احتمالي كالخصوم
,,,,,,,,,,,,, في بعادك بينهم زاد الصدام
صاحبي لو كان لك قلب ٍ رحوم
,,,,,,,,,,,,, يحتضن من تاه قلبه فـ الغرام
كان تجعل هالعنا شيّ امْحَسَوم
,,,,,,,,,,,,, من تحيطه في حنان ٍ و اهتمام
حين تمسح دمع عيني بالكموم
,,,,,,,,,,,,, و احتفي بالحبّ في ظلّ السلام
ذاك حلمي حين اطالع بالنجوم
,,,,,,,,,,,,, و احتري لك صبح ٍ ابْـ وسط الظلام
بـ آتهيّا لجْل صبحك كل يوم
,,,,,,,,,,,,, و احلم انّ الجرح في طور التئام


النص لِ / بعثرة بوح
أتممنى أن ترتقي لِ أذوآقكم يّ آلغوآلي . .