والله اني عن قصيد الحب تايـب

السلام عليكم

هالقصيده يمكن تكون من اقدم القصايد عندي
كنت في مصر مع واحد من عيال عمي كان يعالج في ذيك الفتره
تعرفت على واحد كويتي سالني وش قبيلتك قلت شمري من قلتله شمري طار فيني اثره هو شمري بعد
الزبده انه عزمني على عشاء في شقته رحت له وستقبلني ماقصر الله يسلمه
يوم دخلت لشقه الي والله زوجة وبناته ثنيتن سلمت عليهم مصافح هههههههههههه
المهم وحنا نتعشي قال ترا خالد شاعر قالت وحده من البنات اسمه ريم واااااااااااااااااااو بجد شاعر تكفى قول فيني قصيده
انا قسم بالله غصيت في لقمتي من واااااااااااااااو قلت ان شالله سمي ابشري تمرين امر وانا منزل راسي هههههههه تقل خكري هههههه

وصكيته في هالقصيده




[poem=font=",6,blue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""] والله اني عن قصيد الحب تايـب=والله انك بنـت وافيـت العهـود
مير خوذي مقصدي هذا لعايـب=ون بغيتي جـد يـاورد الـورود
اعترفلك بالغلا والـراس شايـب=بالوريد وكل عرقـأ بـه شهـود
ريم شمر لا تحسبيهـا غصايـب=والله ان العلم فـي راس القعـود
مير خلي طرحتك فوق الذوايـب=وعرفي يابنت ياطـرح الفهـود
ان في كبدي من الدنيـا لهايـب=ليتني يابنت فـي وسـط الحـود
دوك قلبي من لهيب الحب ذايب=ودوك عيني من سهر ليل الرقـود
لاسرقت النوم يسرقني عجايـب=ثم يبيح اللى خفيت مـن السـدود
وازعج الونات من حر الهايـب=دوك جسمي ما بقاء غيرالجلـود
وفوق هذا لويصير الـدم رايـب=والله انـي لا تنخـوا بـك واذود
دون حبك وانهب الغازي نهايـب=واتعلا وارتقـي لوهـي سنـود
وانقش اسمي بين غضات الترايب=ثم يزيـن العلـم وتفـك القيـود
مير خلي طرحتك فوق الذوايـب=واعرفي يابنت ياطـرح الفهـود
هالقصيدة كلها نصـب وكذايـب=مقصدي يابنت تحميـر الخـدود[/poem]