تسريحتك اليوميه

السلام عليكم ورحمة الله وبركاته


اليوم جبت لكم مجموعة افكار للتغير من تسريحتك اليوميه بشكل افضل...




نبدأ بأول فكره ..







بنحتاج ربطه او طوق اللي يكون خيطين ،يجي جلد او ساتان او خرز ويكون بمطاط من تحت او يكون حديد او بلاستك كله على بعضه وبدون مطاط ..


ايضا راح نحتاج مشابك الي تستخدم للتسريحات وتكون مخفيه ولا تبيّن عالشعر ..






بالاول لبست الربطه ، استخدمت نوعيه جلد حلوه ومريحه في اللبس ..



وبعدها اجمع نص الشعر من ورى واثبته بالمشابك واحاول اني انفخ الشعر مع الرفع ..


عن نفسي تعجبني النفخه الناعمه ولو حبيتيها تكون اكبر مشطي شعرك من داخل بالعكس لين تنفخين الشعر وعليها بخة سبراي للتثبيت ..



ثاني فكره ..






نبدأ بتقسيم الشعر لثلاث اجزاء ..





الجزء الامامي ويكون مفروق من النص ..


والجزء الأوسط ارفعيه .. والجزء السفلي اتركيه نازل ..







بنحتاج مشابك صغيره تقريبا اربع مشابك .. مشبكين لكل جهه ..






خذي الجزء الامامي (الجانب الايمن) وابرميه على فوق وثبتيه داخل الشعر ..


ونفس الشي للجانب الايسر ..


افتحي الجزء الاوسط ونزليه بحيث يغطي المشابك ..


ثالث فكره ..



اسهل منها ماافي ..

لذلك حبيت اوريكم طريقتي فيها ..

بنحتاج مثل هالمشابك للشعر ..




نقسم الشعر لجزئين فوق وتحت ..

نأخذ الجزء اللي فوق ونرفعه ولو في خصل ودها تنزل خليها.. احلى ويعطي منظر بسيط نعوم وغير متكلف..




بكل بساطه ارفعي الجزء الثاني وثبتي المسّاكه عكس اتجاه الاولى ..