ما أحب اشوف .. [ منظر غروب الشمس ]

ما أحب اشوف .. منظر غروب الشمس
اتذكر اشياء ، جداً حزينة ومؤلمة
ما أحب أشوف الليل
خيل وغزاه .. حربٍ ضروسٍ مظلمة
ضدي عدو له رايتين
بالميمنة: حزنٍ ، بالميسرة: خوف،
و ذكرى معي من أمس
وسؤال؟!
ما له جواب يقين
هل للنجوم أنوار؟!
يجاوبون غزاه: ... لا
هذي سهوم و رماح
مشبوب فيها النار .. متوجهه صوبي !
نزف وجراح القلب،
ومسكين قلبي ..
كل يوم، مهزوم بالحرب
عزاه ...!
غير السهر وهموم .. ( مسبي )
هذا جزاه؟
مسبي أعز ما يملكه ، أحلام بيض و أمنيات
وبعضهم صاروا .. بأسباب هالحرب:
يا قتلى يا جرحى
أعدهم .. وأجهز أكفانهم وحنوط
وأدفن جثثهم .. ذكريات !

أسير في درب .. أهون مصابي ،
وإلى انتنصف بي الليل
أوقف حِداد، للقتلى أصحابي .. يواسيني بالليل، حلم، أعمى و مربوط
وأركع
ثم أسجد ، وأرفع
وأرفع يديني بالسماء أدعي ..
واستغفره ربي .. الين ألمح بالسماء
خيوط .. بين أبيض وأسود !
واشم ( نسمات الفرج ) معَ أذان الفجر
وبعد الأذان .. أصلّي واتعبد، وادعيه
يا ربي يا الله ..
يولد شعب جديد .. أحلام وأماني
وألح بالترديد ..

بعد الصلاة أخرج ، أردد اذكاري وأقول:
يارب عجل بالفرج
أجلس على ذاك الدرج !
وأحسّ .. كنّي طفل بالعيد


أحب أشوف ، منظر شروق الشمس
اتعشم أشياء ..
جداً جميلة رائعة .. وشعاع أماني ساطعة
في حزة الصفرة تتقسم الأرزاق
يالله جمل قسمتي في يومي وبكرة .. والصبح عيد
أحب أشوفه دوم
قوافلي، أشواق ..
وجيوشي من شعبي ، يقودها صنديد
كله صبر وعزوم
أسمه أمل بالله
به أنتصر بالحرب ، بالصبح !
وأغنم ..
ومع الغنايم ربح
حتى بعز القايلة .. ربح،
حتى لو أن الشمس مني صايله
الربح منها نور !
وبشوفها مسرور أنا وقلبي،
أحد يعاف علاجه وطبه؟
الشمس هي طبي
والعيد صبح ونور،

والقايد الصنديد، يشيب من يومه
وكل جسمه جراح
يمسي من همومه همل، قبل انتهاء المعركة!
يرتاح ...
وقت العصر يبدأ الفرح يقل،
هذا الأمل يعلن بدايات الرحيل،
يكتب وصاته للشعب، و شاهده
من يحضر وفاته،
شمس الأصيل، تعاهده
وأشوفها .. بكفوفها تلوح بيدين
وشعاعها ما يوجع العين
قالت يوصيني يقول :
منصور أو مقتول .. ما غيرها مقبول .. يا شعب، يـ َ أحلام يـ َ أماني

أبكي .. أبكي بحيل وْبهمس
ما هو وجع، ماهو حزن لمفارق القايد !
لكن فزع !
اسمع صهيل خيول، وسيوفٍ تسل، من غمدها
جيش المساء عايد،
غرب السماء مٌحتل.. وهذا الظلام يحل
يقص خصلة من شعر بنت الأصيل، بطمس!
يطعنها وأنا أشوف .. ويدفنها مع سكين
ويظهر شفق ، كنه نزيف أحمر
قلبٍ خفق من خوف .. ماتت؟!
من بعد ميلاد ، راحت بلا ميعاد؟
وقلبي
مسكين، يحمل معه ذكرى من أمس
وَ أَنـا
أنا ما أحب أشوف .. منظر غروب الشمس !!

ذوق ياحلا
صح كلك
ولاهنتى
تقديري

أنتقآء جميل
سلمتِ وسلم الأحسآس ,,

يعطكي العافيه على النقل الرائع

كلك ذوق أختي حلا


تقديري لكي

رائعه ياحلااا
عذبه بعذوبتك
تحياتي

حلا قلبي أنتٍ
وكلك حلى على المنتدى
لاخلا ولا عدم

انتقاء راقي وجميل
سلمتِ ياعذبه

يسلم منطووقك على هالانتقاء العذب
ربي يسعدك غلاتووو ولا يحرمنا طرحك المميز ..