مرحوم ياحبن بقى له مقاما
عزاه من قلب شكى مايناما
يلعي فراق اللي بها القلب مطعون
يلعي على فقده ولوم الف عاما
باقي غرامه وسط الفواد مخزون
ذكراه ورسمه دايم عالدواما
ماغاب زوله ومسكنه بين العيون
خلن وفياً كان له مايساما
خلوه في غيابه هم وأحزان وشجون
كم ليلة والعين عيت تناما
باقي وحيدا والمدامع يصبون
لا واعذابه يوم قفوا عذابا
كل الخلايق له في خله يعزون
ومن بعد ذاك الود أعلن صياما
معاد له من بعد مضناه مزيون
مرحوم ياحبن بقى له مقاما
مرحوم يامن عشرته عيت تهون
له من خفايا الروح اجمل سلاما
وعساه في جنات مولاه مصيون
|