من بعد مـاكنت احسب اني نسيتك

مــــدري وش جـــــابك على البال وذكرتك


ولا وعيــت الا وانــا قـــــــــدام بــيتــــك
ماتقـــــول قــبل مــدهـ هجــــــرتك


ذا مكــــــاني لاغفــى اللـيل وســريتـــــك
شف كــم لي ماسريـــــت ولا سهــــــرتك


وذا مكـــــانك لاتضـــــــــايقت وجفيــــتك
وشـــف كمـ لك ماترجيـــــــت وعــذرتك


وذا مكان قلــــــــوبنا لــــــحظة هــــويتك
فيــه عمري اختصـــــــــــرتهـ واختصـرتك


واقف وكــــــأني من احــزاني بنيـــــــــتك
جســـــر مابيـن الزمـــــــــانين وعبــــرتك


آتــــذكر وشخذيــــــــــت ووش عطـــــيتـك
يوم كنت انقــــــــاض وبحبــــــي عـــمرتك


وآتذكـــــر ساعــــــة انهـــــوك وبـــديتــك
كيـــف بجـــروحي عن جـــروحي سترتـــك



وكيــف بعتاحــلام عمري واشتـــــريــتك
وكيــف كنــت اشنــــع هزيمـهـ وانتصرتك


وكــــيف كنت الملــــح لكنــي رويــــــتــك
وكيــــف كنــــت الـــزيــف لكنــــي ذخرتك


ادري انــي جد..مـــن قلبــــي بـغــيتــــــك
وادري رغم كــــل هــذا خســـــــرتك

انتــــــظرتك عمر حـتى ان يلقيــــــــــــتك
والقهــــــــر مدري على ويش انتــــــظرتك


كــــنت احبـــــــك كنـــت لكني ســلــيــتك
ومابقـــــى سلمــتهـ الريــــح ونثــــــــرتك


وانــــت لاتـــزعل اليا منـي رثيـــــــــــتك
بعد (ماخنـــــــت) وتوفيـــــــت وقبــــرتك

واللــــــهـ اني لاحــــــزنت ولابـكيــــــــتك
مثل ماعمــــرتك بقلبــــــيــــى دمـــــــــــرتك


بس تدري لــيش عقــب غيــــــاب جــيــتك
واهتـــــــدت رجلي على بيتــــــــك وزرتـــك



ابشكــرك علـــى آخــر طعــــونك فــــديـــتك
ليــــــــــلة فــــراقك نسيت ولا شكـــــــــرتك


اتمنى ان ترتقي لسمو ذائقتكم