مشكله يقع فيها الكثير

السلام عليكم...
ذات يوم اتاني احد اصدقائي واشتكى لي من شدة الندم والحسره لبوح احد اصدقائه لسر خطير ودقيق كان بينهما,ثم قلت له:ياصاحبي لاتلم هذا المدعي للصداقه وياأخي ليس كل شي يقال وقاطعني قائلا:انا انا انا اثق به ولم ياتيني ادنى شك انها ستصل المرحله الى مانحن عليه بناءا على العلاقة التي جذورها تعود لسنين بيننا,وتركته يكمل شكواه
وبعدما هدأ ارسلت له هذه الابيات%

المشكله ماهي لاقلنا حسافات.....المشكله هي مشكله مع فشيله
يعني بين وبين نفسك سهالات.....لان الفشيله ياعشيري ثقيله
مانته مجبور تعلم كل الصداقات.....باللي جرى بين الحنايا النحيله
والله اني افضل كل العداواة.....على من يلبس الصداقه وسيله
عدوك اليا عادا عادي وعادات.....شي(ن) طبيعي هذا طبعه وميله
مار البلا باللي يخون الامانات.....صديق(ن) ماظنيت تلقى مثيله
ادري ان بعض الناس يسوى سيادات.....حتى انك تشتريه وتبيع جيله
ويمكنه وافي وصافي كل الاوقات.....حقّاني ودرب الحقيقه دليله
لكن هذا ماهو دليل وعلامات.....تعطيه اسرارك دقها والجليله
ماتضمن وش يصير حتى احتمالات.....هذي غيبيّات(ن) الهي كفيله
اضحك معه واعطه كثير القرارات.....وماهو كل اللي بالسريره تجيله
لانه لافات الفوت ماتنفع اصوات.....وش ينفعك لاقلت: واعزتيله
والله ماقلته وقصدي تشمّات.....مار انّك ادّور من همّك يشيله
الوقت هذا مابه الاّ ابتسامات.....عشان تعيش مريّح مابك عليله
خلّك ملك نفسك وعندك خيارات.....ماهو عشان افلان رايك تزيله
والمشكله ماهي لاقلنا حسافات.....المشكله هي مشكله مع فشيله

وســلامــتــكــم