استشاره :لمشاغل حائل

السلام عليكم ورحمة الله وبركاته
الحين صرت بفترة الخطبه وبعد يومين ملكتي وقلت اسالكم عن
مشاغل حلوه اقدر احجز به لتصوير وبرنامج العروس ومكياج وهيك
لان حاليا نجهز لي ولاختي <<يارب نتوفق
ومريت بتجربه بكتبه لكم تاخذون منه عبره وهي :
اختي حجزت بمشغل ستايل لبناني عند مدلين وخذوا عربون 3000 << كانت مجنونه يوم وافقت تعطيه هل عربون
المهم بعد البحث وتسذا اكتشفنا ان شغله بمكياج وتصوير خرطي وماعنده ماعند جدتي <<ماانكر ان التشقير حقه حلو
المهم قلتنا بنرجع العربون رفضت وقالت خوذا به خدمات وشكلنا بنقضي طول عمرنا نشقر عنده <<احسه فالحه بتشقير بس
المهم انا ذكرت لكم اسم المشغل علشان ماتتلقفون مثل اختي وتحجزون عنده وبرضوا اي مشغل تحجزين عنده لا تدفعين عربون فوق ال500 واذا كثرتي 800
لان لو غيرتي رايك ماتكوني دافعه كثير .
والحين ابيكم تعطوني اسماء مشاغل زينه ومحلات اقدر اشتري منه عطور ومكياج واسعاره معقوله وبرضوا محلات للملابس واكسسوار وهيك
والي عنده نصيحه لي اكون شاكره له
وسلامتكم

والله انااا مو من حاايل’’
بس البنااات م يقصرواااا,, بيفيدونك

وأنا كذااالك لست من حاااايل
أنا حاضره بأي شي في أبو ظبي أو الريااااض
الله يوفقك

مشغل حواء اشوفه مناسب بالحيل
موفقه
يارب

وعليكم السلام ورحمة الله وبركاته
ألف مبروك لك ولأختك وأسال الله لكن التوفيق والسعآده
به مشغل الأزيآء الرآقيه
وليلكي يمدحونه بعد
موفقه يارب ,,,

الله يوفقهااا

طابت لياليك

وعليكم السلام ورحمة الله وبركاته

الله يوفقكن ويسعدكن

آنا مو حائل بس كثير أطبح بهالديره

فيه بحي النقره وحده اسمه نمشه أعتقد هيك الوصف والإسم
مكياجه ناااااااعم مرــآ وجميل جداً بس ماتسوي تسريحات
وفيه أم عمار ساكنه بالشرقيه وبالإجازات تجي للشمال
آنا حجزتها يوم زواجي وجت لحائل 2500 قبل سنتين زواجي ماأدري إذا تغير سعره أو لا
بس بصرااااااااااااااااااااحه هي أفضل كوافيره ع الإطلاق لي فوق 5 سنوات أتعامل معه في كل مناسبه ذووووووق
تعامله وميك أب والتسريحه تبينه ع ذوووقه أو تجيبي له صور من النت آنا جبت له صور وطبقتهم بالضبط
ومصوره فيه أم داليا بحفر الباطن خطييييييييييييييييييييييره مرـــآ تصويره { تصورك بكذا لبس فرعوني هندي وحركااااااات مرــآ جميله وبعده بفستان الزواج وتسوي لك مجله بصورك شغل بطل صراحه وتطلع بعد لحائل


إن شاء الله تستفيدين مني
ونصيحه مني الأزياء الراقيه حجزت عندهم مرــآ مره تعامل زفت
عدميـــــــــــــن ذوووووق وشغلهم بايخ

وإذا تبين أرقام ( أم عمار وأم داليا ) ع الخاص أرسلي لي
وأبشششري

وعليكم السلام ورحمة الله

الف مبروووك الزواااج والله يوفقك أنت و أختك

أنا من حاااائل

الدااانة ,, يوجد لبناانية سميرة ولها ثلاث بنات يجون كل إجازه تحجزي عند والدتهم سميرة هي متواجده

دائما في المشغل وبناتها ,,نيللي وننيت و ونينا شغلهم رااائع جداً لبناااني ناااعم

والتصوير ما فيه اروع من مشغل ليلكي رااائع

أنا مجربتهم بزواج أختي طلع رااائع وكل مااا حطيتي مكياااجك ناااعم افضل يعني مكياااج لبناني او فرنسي تجنبي الخليجي الثقيل .

مشغل ملامح فردوس رااائعة بس لازم تحجزين بمدة وكل فترة تذكرينهم بس ما احب اتعامل معهم مواعيدهم زفت .

الأزياااء الراااقية في برزااان ... دااائماً اتعااامل معهم تعاملهم رااائع واللي تطلبين يلبونه وتصوير فيه متكامل وراقين في التعامل .

نصيحة لأي وحده لا تدفع العربون كامل ادفعي 500 كافي

ونصيحة قبل الزواج بيومين ابدي ذكريهم وروحي بنفسك لهم لأن المشااغل تتساهل مع اللي ما يلح ولا يذكرهن

أما المحلااات.. سماح ,, قاردن مول ,, في برزان مروج الزهور كله ماركات مكياج عطورات ومسلتزمات آخرى

أن كنت تريدين اسعار معقولة كنوز في برزان عندهم ماركات اسعار حلوه ومعقولة وكل ماتبين تحت سقف واحد يعني يختصر عليك

ميك آب ..كل الماركات ,, عطورات وماركات ,,, مستلزمات شعر كل شيء

أخيراً اتمنى لك التوفيق