شآعرك يابنت

شاعرك يابنت في مطلع سنينــــــــــــه
وانتي ادرى عاد عن قسوة سنينــــــــي
والله اقوى لو بغيتـــــــي تظلمينـــــــه
ياغلا كلي فدى لـــــــو تظلمينـــــــــي
ودي اكتب بالحروف اللي تبينـــــــــــه
في نقاشٍ بين وجداني وبينـــــــــــــــي
ياغلا يكفي بدى الشوق وحنينـــــــــــه
يوم عينك كفت الدمعه بعينـــــــــــــــي
لاحظي لاسلهمت عينك بعينــــــــــــه
كيف يظهر للطهاره شي فينــــــــــــي
فاتنه يافاتنة عقلـــــــــــــه ودينـــــــــه
لاتطيعين العواذل وافهمينــــــــــــــــي
عاذلي لو ذاق لوعه من ضنينــــــــــه
ماحرمني بالفضى شوفت ضنينــــــــي
مايبيعك قلبي اللــــــي تشترينــــــــــه
لاوحق اللي فرض شرعي ودينــــــي
ياغلا هرج الخفى لا تسمعينــــــــــــه
وافهمي معنى كلامي واسمعينــــــــي
ان تبعتي اي شخصٍ تتبعينـــــــــــــه
كيف ابقبل عقب هذا تتبعينـــــــــــــي
شرعنا يابنت صعبٍ تفهمينـــــــــــــه
وماكفربي غير مايندي جبينــــــــــــي
ووين صرنا بالخيال وصار وينـــــه
ووين تفكير الجفاء عني ووينــــــــي
المهم القلب يعلن عن حنينـــــــــــــه
في ممالك مالكت معنى حنينـــــــــي
شاعرك يابنت في مطلع سنينــــــــه
وانتي ادرى عاد عن قسوة سنينــــي
والله اقوى لو بغيتي تظلمينـــــــــه
ياغلا كلي فدى لو تظلمينـــــــــــي

راقت لي