×♠× ‏يا ما أكذب الناس يا ما أصدق عناويني ×♠× ‏

[ALIGN=CENTER][TABLE1="width:95%;background-color:black;"][CELL="filter:;"][ALIGN=center]


صبـآحكم / مسـآئكم

شعر وَ شعور
،



إحباط هالوقت يملي لي عناويني
وانا اتلفت واشوف الياس قدامي
إي والله إني تعبت وضاقت سنيني
وفـ أول نهاية طريقي ضاعت أقدامي
مليت يا واقعٍ ما عدت تعنيني
حتى ولا عاد تعني شي أحلامي
كم مد قلبي قبل لا أمد بيديني
وعضيت قلبي قبل لا أعضه ابهامي
وكم كان رشدي على غيي يوديني
يوهمني إن الكثير من العطا : سامي
وكم قلت بكره تهون وهانت بعيني
أيام عمري إذا هي فعلاً أيامي
مرات أحس إني أكره كل ما فيني
لا شفت ما حولي الا باقي حطامي
مدري من اللي بصدري كان يرميني
بس الأكيد إنها تحديداً سهامي
كم شلت في خاطري جرحٍ يسليني
كم طاح من عيني أصدق دمع وأعوامي
أفنيتني ما دريت إني بــ أغنيني
للضيقة اللي تقول لفرحتي نامي
أحاول أكتب جروحي قبل تمحيني
والحبر دمي بعد ما جفت أقلامي
أفكر إني أسافر بي واخليني
أبعد عن الناس واتوحد مع آلامي
يا ما أكذب الناس يا ما أصدق عناويني
طعناتهم تنقلب ضحكات قدامي


لـــ زايد الرويس
أتمنـآ أن ترتقي لذائقتكم






[/ALIGN][/CELL][/TABLE1][/ALIGN]