مجاراة لقصيدة سعيد الحارثي المكتوبه على الرابط التالي
http://www.b3b7.com/vb/showthread.php?t=116917
من قصيد الحارثي طرفي محارب نومه = قمت اجمّع في قصيدي وانثر الاوراقي
كل جزله منك يابن الحارثي موسومه = القصايد طوع فكرك حشمتك تنساقي
ارسل الجيد واخذ ياسعيد جزل علومه = وان بغيت اللؤل غوص البحر في الاعماقي
وانتبه للورد حوله حفرة مردومه = حفرة من طاح فيها ذاق كسرالساقي
بنت ابوها جالسه في بيتها محشومه = ماقربها تابع الغرات والسراقي
وانت كبدك من غرام البنت جاهاسومه = لو عطيناك العسل تقول ماينذاقي
السماء ياشاعرالحرث ياكثر نجومه = ماعرفنا النجمه اللي سهمها زراقي
حدد الوجه وانا في فزعتك ملزومه = انتخي بابوي لاجلك مالنا مدراقي
والدي يالحارثي فارس وسيد قومه = وقفته تقضي اللزوم وخاطرك ماضاقي
بقلمي المتواضع ( اختكم سلمى )