آسف يابعد الكل آآآآآآسف بقوّة ..

قالت أنا زعلانةٍ منْك بقوّة
.. ماراح أرضى عنْك مهما تعذّرت

عكّرْت ليل الأمس عكّرْت جوّه ..
ياجارحي جرحٍ ومنّه تكدرّت

وظليت حاير وإقدح الشعر ضوّه
.. وأنساق حرفي يمّها وإن تحيرت

يالفاتنة ياغلى من بني حوّه ..
لازلت أنا ( سعدك ) أبد ماتغيرت

وإلا الجفا ماهو لمثلي مروّه ..
وفي غيبتك ماصْبر ولكن تصبّرْت

يكفي بُعادك أوجع القلب نوّه
.. وورّدْت آهات المفارق وصدّرت

لوّ الهوى لوّه ولوّه ولوّه ..
في يدّي كان ألفيت يمّك وسيّرت

حزني على فرقاك مكبوت جوًّه ..
حتى ايش لوّي بابتسامات كابرْت

مابيني وبين السعادة أخوّه ..
من وين ماقلّب حظوظي تعثرّت

آسف يابعد الكل آآآآآآسف بقوّة ..
عن غلطتي جيتك سريع وتعذّرت