(((( شمر ))))

[align=center][grade="0000FF FF0000 0000FF FF0000 0000FF"]الحقيقة القصيدة قيلت في شمر وأعجبني شاعر القصيدة اللي كتب هالابيات الرائعة وانا بصراحة احب القصيدة هاذي كثير وصارلي فترة ادور عليها ولقيتها أخيراً وانا متأكد انها بتعجبكم لقوه كلماتها القصيده على ماعتقد انها لخالد القطاني





الشمـس غابـت وكـلٍ دوّر سراجـه

................................... والشوق جمّر ما احر الشـوق لاجمّـر

دام اتجاهك شمـال مودعـك حاجـه

...................................سلم على حايـل وسلّـم علـى شمّـر

قدامك الخافـق اللـي ينشـد علاجـه

.................................... كنّه معلّـق علـى بـرزان ومسمّـر

وانت تعرف يابعد حيي مـن تواجـه

................................... بيضان الافعال لا من الزمـن سمّـر

ان ضاقوا اعنف من البحر ومن امواجه

............................... وان راقوا اركد من الخرمـان لاعمّـر

كم صيت بيتٍ عتق في الباب مزلاجـه

................................. وكم شيخ اماره قبـل تعيينـه مومّـر

وكـم حاتمـيٍ ٍ تكفـي فلـة حجاجـه

.............................. وشلون للضيف لو عن ساعـده شمّـر

وان مـر تاريخهـم متلبّـسٍ تـاجـه

............................... كم عاشقٍ كيّف وكـم عاشـقٍ زمّـر

في جوٍ اغلى مـن الرجلـي الى داجـه

............................ من ديرة السادس ومن ديـرة معمّـر

كنّه الى اهـدى لـه البـرّاق ثجاجـه

.............................. طلة غريرٍ ضحك ومن الخجل حمّـر

توارثـوا حرثـه وتمتيـر ديبـاجـه

............................... ركّابه الجيـب مـن ركابـة الضمّـر

الوّد لاغرس بدري صعـب مخراجـه

............................... والله ولا الـذ واحلـى منـه لا ثمّـر

ادخل على اللي تطوف البيت حجاجـه

............................. من ناقصٍ عند مـدح الغيـر يتذمّـر

والمدح لو كان في الرديـان للصاجـه

.............................. ويقال عمّر بلـد بالعـون مـا عمّـر

والذم لـو زاد فـي الطيّـب تولاجـه

............................... لا احرق ولا اغرق ولاعمّر ولا دمّـر

مانيب متحسف بشعري علـى حاجـه

............................ الا انـي اروح ماغنيـت فـي شمّـر


وسلامتكم



---------------------------------
نقل ليس عقل

مــــــــــــــــــع التـحيـــــــــــــــه

اخوكم ال ساري
[/grade][/align]