إهدائي لكم

ياذابحي عودك الليّن وقدك رشيق*** مشيتك مشية ظبي لفتتك لفتت خمول

نواظرك غبة بحر وانا فبحرك غريق***ومجدلك ليل والمسرى يطول ويطول

خدك خلاصة ذهب والفم خاتم عقيق***ضحكتك جمرة غضا ثنيّتك لول لول

سوالفك سكر زياده وصمتك رحيق***طلتك خجلى مثل وجه الصباح الخجول

يمكن علشان لاوصافك بهاء وبريق***تجري رياحي تجاهك عشق لوعة ذهول

ياما سرقت المسافه من كفوف الطريق***لقيت وصلك سراب ولالمست الوصول

تذرف عيوني على هجرك كتل منجنيق***وتهزني غيبتك والبعد دونك يحول

والحزن كنه شقيق العين وامحق شقيق***يزيد حملى حمل واطراف جسمي نحول

عليك رجلي تهيم بكل فجن عميق***عيشتني فى وهم لكن مدري ش....قول

ياجعل يومك للمطر يالغرام العتيق***يوم اتحراك والميعاد اربع فصول

يوقدنى الشوق جمره واتلفت واويق***فى ساعتى ياعسى عطرك يجيني رسول

اصبحت اطيق انتظارك والا انا ماأطيق***اشوف باقة ورودي من غيابك ذبول

ويضيق ثوبي علي واضيق حتى يضيق***الشارع اللي يدوّر للتلاقي حلول

واسرح بفكري واهوجس في غيابك وافيق***على تقاسيم زولك يابعد كل زول

تجي وتمشي ترف واطلالتك ماتليق***الا ف عنق المها والاهيام الذلول

الشوق فينا بحر موجه تصافق صفيق***والليل ضحك وسهر عشاق حسب الاصول

اقول لك ياعشيق تقول لى ياعشيق***اقول حكي العذول تقول خل العذول

هذا قبل لايجيني دون وصلك عويق***ومن قبل لاشتاقلك والقاك عني جفول

قبل أبتعد في طريق وتبتعد في طريق ***وآمالنا تنهدم ف عيون الاربع فصول

اقفيت عني ب لحظه يالغرام العتيق***وايقنت بانك وهم لكن مدري ش قول


ودي للجميع