إنهيار إنسان ..!

[align=center][tabletext="width:90%;background-color:white;"][cell="filter:;"][align=center]

نعم .. . كثر التعب حاجه تؤدّي : لإنهيار إنسان !

و أنا ؟ ما أوعدك إنّي بـ أتم بـ عِشرتك ، واقف .. .

أروح و يبقى لك عندي : معزّة ، و إحترام ، و شان ؟

أو أبقى بـ الكذب جنبك .. .و أنا من داخلي ~ عايف !

حشا ما جيت لك {

شايل } .. . عشان أطلّعكْ غلطان !

و دليل إنّك مزّودها معاي ، وقلت : ما يْخاااالف .

أشوف و أسكت و .. . أحزن ! أبيك تْحس بـ الأحزان ،

و وضعي حيل جايز لك : - حزين و ساكت و شايف !

تجازف ~ في علاقتنا ولا .. . حسّيت بك ندمان !

خسرنا بعض ؟ - مو منّي ! أنا ما قلتْ لك : جازف .

ترى ما خفت من بُعدكْ .. . ولا من غيبتكْ زعلانْ !

أنا واللـــه من قربك ، أحاتي [

غدرك ] و خايف .

كثييييير أشياء صارت لي حزينه ، وموجعه أحيان |

ولا شفتك تواسيني ! مع إنّك : تدري و عاااارف .

ترى ما جيت أبكْسِر خاطرك ، لا قلت لك : تعبااااان !

و لا أظن تنهي جروحي : قولتك {

آسف } ~

صديقى ؟ لأ ! ماتنفع . . ؟ ، ولا " أخوان "

أبي لي شي يمنعني أصدّك .. . لمّا ، نتصادف !

قليل من التَعَب يكفي يا غاااالي ، لإنهيار إنسان .

و كثير من التَعَب فيني من أسبابكْ .. . و أنا ~

واقف!

ألشاعر / أحمد الصانع

[/align][/cell][/tabletext][/align]