مرني وجهك

مرّني وجهك
من الخذلان لآخر
هـــ الضجيج المر
عشب أسرتنا
وطينك
,سكتك, بابك
من حكايتنا مشيتي الليل ..!
و
عروقي
مقاهي ..
. مثل هذا الحزن
ذابل ..
في فمي ماتت جريدة
قهوتي
مُرّه


أغيب وتسكني ظل الحكي واحتار في أمري
يطير العمر من كف الزمان ولا عرفت أسلاك

يمرون الكلام وتغرسين الليل في ظـهري
أحسك في أساميهم واجيلك و العيون أشواك
لـ السهر أحطب سماك


أخدع الريح بعروقي
بين جفني والتعب
اترك بلد
وأشعل قصيده..
أسألك روحي
كيف مرينا السنين ولا كبرنا
في ملامحنا تجاعيد الطفولة
كلما راح المطر
كلما هـ الشمس غابت
احلم ارحل
وين ما راح المطر
وين ما هـ الشمس غابت

أعيد أحلاك وأيام القصيد البارد فـ صــدري
يسولف لـ الأنا عن قريتي المتبرجة لغنــاك,

عن آخر بردها الدافي! .. ولكن يا عُمر بدري
كبير ي سافر جروحه القديمة واكتشف ينساك

يسير وتخنق الذكرى الحديث وليلها يطري
على باله مثل أول مثل ما كان يتمناك

وتسأله السكيك العابسة: بابــه ؟! وهو يدري
بأن الحزن مزلاجه.. وتحرجه السنين هنــــــاك

لو تكدس كل هذا الليل في دربي لعطرك

لو خرجتي من حرائق هـ الكلام .. (الرّخ )

لو يصير العمر من بعدك خيام وعابرين

صوتي الشارد ملا كل السنين

مثل ظللك يتبعك لبعد عنا .

يسكن جروحك واسافر

بين اولنا واخرنا

انتهينا
انتهينا ...



لاأرواحكم العذبه