محاوره ...

مفرح السبيعي :

يــــاســــلام الله بــــــــرده وافــــيــــه والــــجــــو هــــــــادي

من هجوس ن تنسجم وتهيم في وجه الطبيعه

لـي ثـلاث ايـام يحدانـي علـى الميـقـاف حــادي

يـــوم غـيــري لابـغــا المـيـقـاف قـلـبـه مـــا يطـيـعـه

عبدالله بن طلال

مـرحــبــا تـرحـيـبــةٍ بـــــك يـــــا مــفـــرح مـــــن فـــــؤادي

والـطـبـيـعــه جـــوّهـــا مــضــبــوط والــدنــيــا وســيــعــه

ما حداك الاّ النّعاره والطناخه ، ما انت غادي

والـعــلــوم الـطـيّـبــه دايـــــم عــلـــى نــهـــج وشــريــعــه

مفرح السبيعي

الهـبـوب تـهـب مــن قبـلـه وذعــذع يـابـرادي

زان مــنــزال المـعـيـقـل يـاعـمـيـلـي والـوريــعــه

لي ثمان ايام عينـي ترقبـك فـي ريـع وادي

لا دخلت الوادي الموحش ولا جنبت ريعه

عبدالله بن طلال

صـــــــار لـــــــك شــهـــريـــن لا تــــرقــــد ولا تــــقــــدر تــــنــــادي

مــــــار انـــــــا مـــالــــي ثـــــــلاث ايـــــــام والــخــطـــوه ســريــعـــه

وان دخـــلــــت الـــــــوادي الــمــوحـــش تـعــشّــيــت الــثــنـــادي

وان رقيت الظلع ابا ابطش بطش ، ما احب الخديعه

مفرح السبيعي

ياجـمـل ً ازيـــن لا تـرثــع وتـهـجـر بالـقـيـادي

ثم تجي في وجه ابو عزام وتحسبلك هزيعه

الحـرار الشقـر ادمـت صـيـده وقــت الـهـدادي

لا تـلـكــع ثــــم يـلـكـعـك الـمـلـكــع فـــــي الـكـيـعــه

عبدالله بن طلال

والله اني يامفرح ما اعشق اللون الرمادي

واعرف حدود البلد من يم عرعر للوديعـه

والحـرار الشقـر مركزهـا مـع العالـم ريــادي

مار انـا فالمركـز الاول و محتـلّ الطليعـه

مفرح السبيعي

صل فرضك في عفيف وصوم شهرك فالحمادي

لا تــلــد خــــلاف مــالــك يــــا الـحـبـيـب مــــن ذريــعـــه

يـــا عـســى يبـقـالـنـا مــــع طـرقـتــك شــــرب ً وزادي

يــوم كــل ًحـسـب فهـمـه رايــه حـصــون ٍ منـيـعـه

عبدالله بن طلال

المعاني ضربها واضح مثـل ضـرب الهنـادي

وانت ما حصّلت لـك حجّـه وهقواتـك فضيعـه

استرح ياطال عمرك .. والوطن يوم العيادي

ما بغيناها تعوّد مـن .. محبّـه .. فـي قطيعـه