دنيا تقافت ومرتني وجرتني

[frame="1 80"]
[align=center][tabletext="width:80%;background-image:url('http://www.b3b7.com/vb/backgrounds/17.gif');border:8px solid purple;"][cell="filter:;"][align=center]
ثلاث ماني مخليها وخلتني
الشوف والسمع والبندق وشدتها

وثلاث ماعفتها لكن عافتني
البنت والنجر والدله وصبتها

وقتن مضى اطيعها وهي مطيعتني
وخذت ماجاز منها يوم شرتها

دنيا تقافت ومرتني وجرتني
جرت حبال السواني مع مجرتها

ماقلت ماقلت فيها لين هزتني
وشفت اختلاف التوازن عقب هزتها

صارت بلاوي لكنها ماتموتني
مايقتل النفس غير انها طعمتها

والنيه اني قصبت ارشاي على متني
ولالي حسايف على الدنيا ورغوتها

اخير منها ثلاث انكان خاوتني
الدين والصبر والتوحيد بلغتها

وثلاث مامثلها لن كان كتبت لي
الحور الابكار والجنه وراحتها

ارجي من الله ليامن انقضى حتني
العفو والمغفره نهار عازتها

نهار مافيه لامخفي ولا مكني
سيئه وحسنات وتقدر بقيمتها

خايف وراجي وسيئاتي مهمتني
وخاف تحميل نفسي فوق طاقتها

ون كان ماهي بقدمي ماتقفتني
نهار نشر الصحايف عقب وزنتها

مافيه مثقال ذره غير وزنت لي
الله ذكرها ونا قريت سورتها

وياربي العفو قبل الاجل يبغتني
عفوك ورحمتك اكررها ورددها.

قصيدة. / عمار بن هلال القت الشلاحي المطيري
[/align][/cell][/tabletext][/align]
[/frame]