.. أنـا ذيـك الـغريـبه اللي ردآة الحظ فرّقها ..

[ALIGN=CENTER][TABLETEXT="width:100%;background-color:gray;"][CELL="filter:;"][ALIGN=center]

عجزت ألقى لأحلامي فضا عمرٍ يحقّقها
وعجزت أنظر إلى جيبي أشوفه دايمٍ خاوي
وعجزت أبني لي آمال أشوف الدّهر يسحقها
ذبل عمري كما وردٍ على ذاك الغصن ذاوي
ورغم الحزن والغربة وعيني الدمع حرّقها
بتبقى هامتي نجم رغم ليل الحزن ضاوي
فلا تخضع ولا تركع لغير الله خالقها
وإذا شح بدواي انسان رجايٍ ربّي مداوي
أنا ذيك الغريبة اللي رداة الحظ ّ فرّقها
عن أهل كلٍّ ما حنّت طواها من الألم طاوي
كما ذيك الخلوج اللي رياح البوٍّ رققها
ما تدري إنّه غدا ميّت وجلده عالحشو لاوي
أحن لأمّي ولشمّة هدمها مع معشّقها
ونار تحت ذاك الصاج لهبها للخبز شاوي
فديت الشيب لا منّه غدا نورٍ بمفرقها
وفديت الأرض لا سارت عليها ترسم اخطاوي
تعالي يمَّه ضمّيني جروحي كم يفتّقها
ألم وسنين ماقدرها وهذا الجرح ما ياوي
أنا ذيك الغريبة اللي رداة الحظّ فرّقها
عن أهل كلّ ما حنّت طواها من الألم طاوي
،
لـــ نجآح المسآعيد
و لــ أروآحكم يّ أحبه

[/ALIGN][/CELL][/TABLETEXT][/ALIGN]