زعلك وتمتماتك .. والاقدار

مدخل



يا طفلتي و الحنين إن مرّ ما صبّك
إلا إنكسار و دموع تباغت أهدابي

مرّي محاديب شاعر عاش يكتب بك
من قبل لا يعشب الحرمان بترابي




عمق

بسـيط / مـن حـملة مـأسيه ، منهار
يغص في صمته ليا قلت له إحك


يحاول انـه يـثري اللـيـل بـ / إنوار
ويرسم على بُـعد المدى كيف يربحك


يامـا على [ شط الامل ] كان محتار
يخاف ريح اظروفك الصلف تلفحك


يكتب عـن الحب الأبي بدمه الحار
كان البطل والجمهره ، في مسارحك


يـذكر زعلك وتمتماتك .. والاقدار
ودموعه الخرساء وصدت جوارحك


كيف انثنى ‘ غصن الفرح ‘ والزمن دار
اكبر طموحه صار .. لحظة مصـافحك


جـاك الكبير الممتلي ( حب / واعذار )
سامح من طعون الليالي / واسامحك


كان المطر بـ ارض التفاؤل والاشجار
وأنت الطيور اعيش لـ اكبر مصالحك


ماخاف موتك خايف : تكون تذكار
من وين مالدت عيونه بـ / يلمحـك


رحت وتركته عايش بجوف الاخطار
ماكنه اللي عن خفآ الحب ، صارحك !


انا المحب اللـي ( ملك ) حلم ، واشعار
وانا الكسير اللي ملأ وجهه ، الضحك


كنـت اتـمنى تجمع احلامنا ( دار )
ولا ينكسر قلبي ولا الوقت يجرحك


واليوم تبعدني عن عيونك .. ديـار
وتحاول اتـكابر وهـ / الدمع يفضحك


طارت عن غصون السواليف الاسرار
واصبحت اسير احلام عمري وبارحك


عطيتني [ صوره ] وانا ما املك جدار
كنك توصيني اضيـّع ملامحـك

مخرج



ما قلت لك هالحياه / ألوانها : قُربك
يا طفلة الحلم و أول و آخر أحبابي

طشي ثياب السكوت و قولي : أحبك
قبل يموت الحضور و يضوي غيابي




لاأرواحكم النقيه